Presidenti i FIGC-së, Gravina: Sezoni nuk anulohet, pritet të rifillojë në korrik ose gusht

Presidenti i FIGC, Gabriele Gravina ka hedhur poshtë idenë e përjashtimit të këtij sezoni të Serie A dhe në vend të kësaj po pret që të rifillojë në korrik ose gusht.

Debati ka vazhduar nëse sezoni 2019-20 do të anulohet për të bërë rrugë për sezonin 20-21, me coronavirusin që tregon pak shenja të ngadalësimit.

Përkundër kësaj, Gravina është i bindur që Serie A mund të përfundojë këtë verë, veçanërisht pasi Euro 2020 dhe Lojërat Olimpike tani janë shtyrë.

Lexo po ashtu “Italia po vdes nga coronavirusi”, Serie A nuk pritet të kthehet së paku deri në qershor

“Për aq kohë sa jam në gjendje, nuk do të humbas shpresën për të rifilluar sezonin. Do të bëj gjithçka për ta bërë atë të ndodhë. Më duket se po heq dorë shumë”, ka thënë fillimisht Gravina për Radio Marte.

“Unë jam i vetëdijshëm se është ende shumë herët për të menduar për një datë, por ne duhet të mendojmë pozitivisht”.

“Ne do të përpiqemi të bëjmë çmos që madje të luajmë me koston e kërkimit të mbështetjes nga UEFA dhe FIFA për të shkuar përtej 30 qershorit, prandaj edhe duke përfituar nga korriku dhe gushti”.

“Tani për tani, nuk ka vend për interesa individuale. Unë lutem për sens të përbashkët sepse, në fund të fundit, është FIGC që do të duhet të vendosë”.

Lexo po ashtu Epidemiologu italian, Lopalco: Futbolli pa tifozë së paku deri në tetor

“Konsideroj se anulimi i sezonit është një humbje dhe ajo zvogëlon vlerën e konkurrencës. Do të çonte në një skenar të pakëndshëm”.

“Kundërshtoj me kokëfortësi çdo reflektim që çon në një përfundim të tillë. Për sa kohë të jetë e mundur, unë do të vazhdoj të hedh poshtë këto hipoteza”, përfundoi i pari i federatës së futbollit italian. /Telegrafi/