Presidenti i Federatës Braziliane të Futbollit sulmon ashpër Alvesin dhe Robinhon pas dënimeve shkaku i përdhunimit

Ish-futbollisti i Barcelonës, Sevillas dhe Brazilit, Dani Alves është aktualisht në pritje të rezultatit të ankesës së tij në gjykatë, e cila u paraqit pasi ai u dënua për sulm seksual në fillim të këtij muaji. 40-vjeçari u akuzua në janar 2023 për një incident që ndodhi në kryeqytetin katalunas disa javë më parë.

Alves është dënuar ashpër pas vendimit, dhe kjo vazhdoi të premten me Ednaldo Rodrigues, Presidenti i Federatës Braziliane të Futbollit (CBF).

I pari i CBF dënoi si atë ashtu edhe ish-lojtarin e Real Madridit, Robinho, i cili u dërgua në burg në fillim të kësaj jave për një shkelje të ngjashme.

Lexo po ashtu Dani Alves lirohet nga burgu, por Gjykata e Barcelonës i vendos një kusht

“Ky është një nga kapitujt më të poshtër të futbollit brazilian. Është e turpshme që një lojtar të ndihet rehat duke kryer këtë lloj perversiteti, duke besuar se ajo që ka arritur përmes sportit do ta mbrojë disi nga çdo ndëshkim”, ka thënë fillimisht Rodrigues.

“Dy rastet, të cilat përfshijnë lojtarë që ishin yje të kombëtares braziliane, nuk mund të përfundojnë me dënimin e dy fajtorëve. Është thelbësore që qëndrimi i guximshëm i viktimave të frymëzojë gjithnjë e më shumë gra që të mos heshtin përballë barbarive të tilla”, përfundoi ai.

Lexo po ashtu Robinho arrestohet në Brazil, do të vuajë nëntë vjet burg për përdhunimin e një shqiptareje

Alves dukej sikur po dilte nga burgu në fillim të kësaj jave kur lirimi me kusht u dha nga kryetari i trupit gjykues në rastin e tij, por shifra prej 1 milion euro ende nuk është paguar.

Në anën tjetër, Alves është arrestuar gjatë ditës së djeshme dhe tashmë do ta mbajë burgun prej nëntë vitesh për dhunimin në grup të një vajze shqiptare në Itali. /Telegrafi/