Presidenti i Dritës, Valon Murseli, përmes një statusi në llogarinë e tij në Facebook, ka reaguar ashpër ndaj listës së publikuar nga përzgjedhësi i Kosovës, Primoz Gliha.
Gliha në listën për tri ndeshjet kualifikuese të Evropianit që do t’i zhvillojë përfaqësuesja e Kosovës, ka ftuar pesë lojtarë nga Superliga e Kosovës.
Lumbardh Dellova Ilir Krasniqi dhe Qëndrim Zyba të cilët ishin ftuar edhe në grumbullimin e kaluar kanë marrë ftesë përsëri, ndërsa emra të rinj si Muhamet Hyseni dhe Kenan Haxhihamza janë risi në listën e përzgjedhësit slloven.
Sidoqoftë, në listën e tij nuk pati asnjë lojtar të Dritës, gjë që ka bërë që Murseli të reagojë, ku shigjetat e tij u drejtuan më shumë kah Muharrem Sahiti, drejtor i Përfaqësueses së Kosovës.
Kosova të dielën do të jetë nikoqire e Izraelit në “Fadil Vokrri” ndeshje kjo e vlefshme për raundin e tetë të grupit I e cila ishte shtyrë paraprakisht për shkak të situatës së luftës mes Izraelit dhe Palestinës./Telegrafi/
