President i PSG, Al-Khelaifi: I kënaqur që Messi është me ne, krenar që e kemi në Paris

Lionel Messi do të jetë futbollist i Paris Saint-Germainit për dy vitet e ardhshme, ndërsa më këtë është shfaqur i lumtur edhe presidenti i klubit parisien, Nasser Al-Khelaifi.

Pas arritjes në Paris dhe kalimit te testeve mjekësore, superylli argjentinas është konfirmuar si lojtar i ri ekipit nga Ligue.

President i Paris Saint-Germain, Nasser Al-Khelaifi, ka thënë se janë të lumtur që skuadrës së tyre shumë të fortë ia shtojnë edhe një emër të madh si Messi.

“Jam i kënaqur që Lionel Messi ka zgjedhur të bashkohet me Paris Saint-Germain dhe ne jemi krenarë që e mirëpresim në Paris, me familjen e tij”.

“Ai nuk e fshehu dëshirën e tij për të vazhduar të evoluojë në nivelin më të lartë dhe për të fituar trofe. Ambicia e klubit është natyrisht identike. Shtimi i Leos në ekipin tonë të klasit botëror konfirmon rëndësinë dhe suksesin e rekrutimit tonë”.

“Së bashku me trajnerin tonë të madh dhe stafin e tij, mezi pres që ekipi ynë të bëjë histori për të gjithë tifozët tanë në të gjithë botën”, ka thënë tha Al-Khelaifi.

🛫 𝗣𝗔𝗥𝗜𝗦 🛬

❤️ #PSGxMESSI 💙 pic.twitter.com/GQgEtBTGXc

— Paris Saint-Germain (@PSG_English) August 10, 2021

Messi ka nënshkruar për dy vite me mundësi edhe për një vit tjetër. /Telegrafi/