Premierë: Dhurata Ahmetaj publikon këngën dhe klipin e ri “D” (Video)

Këngëtarja e njohur Dhurata Ahmetaj ka publikuar projektin e saj më të ri muzikor, këngën dhe klipin “D”.

Në një intervistë të dhënë ditë më parë për Telegrafin, Ahmetaj ka rrëfyer për punën rreth kësaj kënge dhe bashkëpunëtorët me të cilët ka punuar këtë radhë.

“Normalisht që një projekt muzikor do përkushtim të madh deri në ditën e lansimit, por gjithçka bëhet më e lehtë kur punon me njerëzit e duhur. Kënga është krijim i Yll Limanit dhe studios Room6”, tha Dhurata.

Lexo po ashtu Dhurata Ahmetaj sjellë së shpejti "D", flet për projektin e ri: Çdo këngë e imja ka diçka nga jeta reale (Foto)

E pyetur nëse kënga trajton ndonjë histori nga jeta personale, këngëtarja u shpreh kështu: “Secila këngë ka diçka nga jeta reale, por nuk do të thotë që është jeta ime reale nëpër këngët e mija”.

Në klip këtë herë ajo vjen mjaft provokuese, ndërsa për Telegrafin Dhurata zbulon se pas këngës “D”, beson se do të ketë diçka të re edhe për muajt e verës.

“Kam punuar me shumë dashuri dhe vullnet të mirë dhe gjithçka që bëhet me dashuri është e bukur, pritshmëria ime është që të pëlqehet nga përkrahësit e mi çdo lansim i imi. Dhe sigurisht që do të ketë dhe diçka të re edhe për muajt e nxehtë”, përfundon Ahmetaj. /Telegrafi/