Prekëse: Ishte ndarë nga familja që në fëmijëri, takohet me motrat pas 58 vitesh (Foto)

Li Honxia ishte marrë nga Lanzhou i Kinës, për të jetuar me xhaxhain e saj që nuk kishte fëmijë, në qytetin Xi që ishte shumë larg vendlindjes së saj.

Vajta katërvjeçare ishte adoptuar me jetën e re dhe kishte harruar se kishte familje biologjike, sepse prindërit e saj të rinj kishin shkëputur marrëdhëniet me ta, transmeton Telegrafi.

Mirëpo, motrat e saj Wen Yuehua dhe Wen Yuelian, e dinin që kanë diku një familjare. Pas afro  gjashtë dekadave, ato ia dolën ta gjejnë.

Rasti ishte i vështirë, meqenëse ajo ishte martuar dhe kishte ndryshuar mbiemrin,

“Kishim një adresë të xhaxhait, që na kishte lënë gjyshja. Vendosëm të niseshim. Askush nuk jetonte më aty. Shkuam derë më derë, derisa arritëm ku deshëm”, ka thënë Yuelian lidhur me rastin.

Pos që kanë bërë 654 kilometra nga Lanzhou deri në Xi, ato kanë bërë ende rrugëtim derisa ia dolën ta takojnë Li Honxian.

Fotografitë e tyre janë shpërndarë në rrjetet sociale, pasi takimi pas 58 vitesh me motra ishte shumë emocional dhe i veçantë. /Telegrafi/