Pothuajse 1 mijë qytetarë në Kroaci kanë të paktën nga 20 milionë euro pasuri financiare

Në Kroaci, pothuajse 1,000 qytetarë kanë pasuri personale financiare që i kalon 20 milionë euro.

Sipas Raportit të Pasurisë Globale 2023 të publikuar nga Boston Consulting Group (BCG), pasuria financiare e shumicës së popullsisë nuk arrin 250 mijë euro.

Të dhënat e BCG-së tregojnë se pak më pak se 20 mijë qytetarë kroatë posedojnë asete financiare me vlerë nga 250 mijë euro deri në 1 milion euro, ndërsa pothuajse 4,100 qytetarë posedojnë asete financiare nga një deri në 20 milionë euro.

Pasuria financiare në Kroaci u rrit nga viti 2017 deri në fund të vitit 2022 me një normë vjetore prej 7.1 për qind dhe arriti në gati 100 miliardë euro. Nga fundi i vitit 2022 deri më 2027, norma vjetore e rritjes pritet të rritet me 5.9 për qind.

Në të njëjtën kohë, BCG vëren se pasuria financiare nuk përfshin të ashtuquajturat prona të paluajtshme si makina dhe anije, as ar apo metale të tjera të çmuara.

Vlera e aseteve reale në periudhën 2017-2022 u rrit me një normë vjetore prej 5 për qind dhe arriti në afërsisht 200 miliardë euro. /Telegrafi/