Porositi ushqim të gatshëm, vetëm që dërguesi t’ia largoi edhe një merimangë (Foto)

Demi Sweeney nga West Midlands, ka porositur ushqim të shpejtë, vetëm që kur t’i arrijë në shtëpi, dërguesi ta kryente edhe një kërkesë të pazakontë.

Studentja 22-vjeçare, ka shkruar në mesazh se pos ushqimit, ka shumë nevojë edhe t’ia largojnë një merimangë nga muri, transmeton Telegrafi.

“Mund të tingëlloi çuditshëm, por është pyetje serioze. Kam fobi të madhe ndaj merimangave, andaj a ka mundësi që kur të më arrijë ushqimi, shoferi ta largojë edhe një merimangë”, ka shkruar Sweensey.

Operatori e ka kuptuar mirë brengën e saj, por është kujdesur t’i kthente një përgjigje shumë të saktë.

“Kjo është hapësira, ku ju i bëni të gjitha porositë tuaja. Vetëm se, ai që ua sjellë porosinë, mund të frikësohet edhe vet. Do të bëjmë çfarë të jetë e mundur, ta gjejmë dikë të guximshëm”, ishte mesazhi që ia kthyen prapa.

Për fat të mirë, në shtëpinë e saj ka shkuar një shofer mjaft i guximshëm – megjithëse nuk e hoqi helmetën nga frika – ia doli ta largonte merimangën. /Telegrafi/