Po vazhdon sezoni i ëndrrave për Spurs: Ange Postecoglou dhe Tottenhami fitojnë si mysafir të Crystal Palace dhe qëndrojnë në krye  

Në xhiron e dhjetë të Ligës Premier, Tottenham fitoi ndaj Crystal Palace me rezultat 2-1 dhe mbajtën vendin e parë në renditje.

Pas një pjese të parë pa gola, Spurs shënuan dy gola në vazhdim dhe zgjidhën çështjen e fituesit në këtë ndeshje.

Tottenhamit i mjaftuan vetëm tetë minuta në pjesën e dytë për të kaluar në avantazh kur Joel Ward shënoi për t’i dhënë epërsinë ekipit të tij.

https://twitter.com/Pelgetofficial/status/1718004848463843384

Në minutën e 66-të të ndeshjes, Tottenham dyfishoi epërsinë falë Heung-min Son në 2-0.

Me këtë gol përfaqësuesi i Koresë së Jugut arriti shifrën prej 111 golave ​​në ligën më të fortë në botë dhe aktualisht ndodhet në vendin e 26-të në renditjen e përgjithshme.

https://twitter.com/Pelgetofficial/status/1718005591845532118

Golat nuk mbaruan këtu në Selhurst Park, pasi Jordan Ayeë zvogëloi avantazhin e Spurs në minutën e katërt të kohës shtesë.

Tottenham festoi fitoren e tetë të sezonit dhe tani ka 26 pikë, pesë më shumë se Manchester City dhe Arsenali i vendit të dytë, të cilët kanë secili nga 21 pikë dhe një ndeshje më pak. /Telegrafi/