Po priste që të udhëtonte me të për në shtëpi, turisti britanik kap momentin kur rrufeja godet aeroplanin në Sao Paulo

Ndërsa priste fluturimin e tij, një pasagjer i British Airways kapi momentin kur rrufeja goditi aeroplanin me të cilin do të udhëtonte në shtëpi të premten.

Incidenti ndodhi në aeroportin Sao Paulo Guarulhos në Brazilin jugor, ku pasagjeri Bernhard Warr tha se një “stuhi e madhe” u zhvendos dhe ndaloi fluturimet, si ai i tij.

Warr e pa këtë si një mundësi për një kinematografi të motit, transmeton Telegrafi.

“Ndërsa po shikonim nga dritarja ishte e qartë se rrufeja po godiste pranë aeroportit, kështu që unë shkova për të kapur disa filmime, duke menduar se do të ishte mirë të kishim aeroplanin tonë në xhirim. Pata fatin dhe goditja ndodhi pikërisht para meje”, tha ai.

Videoja e Ëarr tregon rrufenë duke e goditur aeroplanin ndërsa ishte i parkuar në portë.

Sipas Shërbimit Kombëtar të Motit, aeroplanët komercialë, si ai në video, goditen nga rrufeja mesatarisht vetëm një ose dy herë në vit.

Ata vunë në dukje se aeroplanët janë projektuar dhe ndërtuar për t’i bërë ballë goditjeve të rrufesë.

Megjithatë, pasi goditet, aeroplani i nënshtrohet inspektimeve të detyrueshme, të cilat mund të vonojnë fluturimet. /Telegrafi/