Plazhi popullor amerikan ka të ngjarë të mbyllet për pjesën tjetër të verës për shkak të ‘potencialit’ për një ngjarje katastrofike

Një plazh popullor në bregedetin Cape Cod në Massachusetts, SHBA, ka të ngjarë të mbetet i mbyllur për pjesën tjetër të verës, në mes të një përpjekjeje të vazhdueshme për të “shmangur potencialin për një ngjarje katastrofike”.

Qyteti i Truros njoftoi në fillim të këtij muaji se plazhi Longnook do të “mbetet i mbyllur përkohësisht si një masë sigurie” në përgjigje të shqetësimeve të erozionit.

“Ndërsa kushtet dinamike nënkuptojnë se njëfarë rreziku është i natyrshëm në plazhin Longnook, pjerrësia e bregut me zona të rrënuara dhe shkëmbinjë të vendosur në mënyrë të pasigurt mbi shtigjet dhe plazhet, kanë rritur shqetësimet”, tha qyteti në një njoftim, shkruan yahoonews.

Bëhet e ditur se plazhi Longnook është i njohur për brigjet e tij të bukura me rërë dhe pamjet mbresëlënëse të shkëmbinjve, megjithatë, natyra dinamike e brigjeve, e përkeqësuar nga topografia e pjerrët, paraqet rreziqe sigurie për vizitorët.

Në vitin 2005, qyteti mbylli Longnook për një periudhë kur erozioni i shkëmbinjve përbënte një kërcënim.

Në gusht të vitit 1973, jeta e një djali 11-vjeçar u mor nga Longnook kur një pjesë e një shkëmbi u shemb duke e varrosur djaloshin 20 metra nën rërë.

Ndryshe, edhe menaxheri i qytetit, Darrin Tangeman, tha se ekziston një shans që plazhi të qëndrojë i mbyllur për pjesën e mbetur të verës.

“Ne po punojmë për të gjetur se çfarë duhet të bëjmë për të stabilizuar shkëmbinjtë”, tha Tangeman. /Telegrafi/