Peter Crouch po pensionohet nga futbolli

Kur kaloni një kohë të mirë duke luajtur futboll, atëherë shumë shpejtë do të vije edhe pensionimi, kështu do të ndodhë edhe me Peter Crouch, legjendën e Liverpoolit dhe të Anglisë.

Sulmuesi anglez ka pasur një karrierë të madhe në futboll, duke luajtur për skuadra të mëdha si Tottenham, Aston Villa, Liverpool, në këto vitet e fundit, ndërsa në këtë sezon ka luajtur për Burnleyn.

Crouch e ka bërë të ditur se ai ka marrë këshilla nuk shumë ish-futbollistë që të luajë sa më shumë që të mundet, por sipas tij tashmë ai e di se koha ka ardhur që të përshëndetet nga futbolli.

“Me të gjithë kolegët dhe ish-kolegët që kam folur rreth pensionimit më kanë thënë që të luajë sa më shumë që të jetë e mundur në futboll dhe mos të pensionohem”, ka zbuluar sulmuesi anglez.

“Nuk e di. Unë kisha një kohë të mirë. E di se ndihem i freskët, stërvitem çdo ditë, nuk kam pasur lëndime, por e di se nuk mund ta bëjë edhe për shumë gjatë këtë punë dhe do lëndohem seriozisht”.

“Ka disa gjëra që i shijoj, por janë edhe disa të tjera që nuk mund tu bëjë ballë, andaj mendoj e koha është që të përshëndetem me futbollin, pas 23 vitesh karriere në sportin më të bukur në botë”, ka shtuar më tej Crouch. /Telegrafi/