A përshtatet Haaland te Manchester City? – Analiza e lojës së anglezëve dhe sulmuesit, si dhe përfundimi

Manchester City është shumë afër sigurimit të nënshkrimit të Erling Haaland nga Borussia Dortmund këtë verë, pasi marrëveshje personale veçse ka arritur me yllin norvegjez.

Megjithatë, janë ngritur një sërë dyshimesh nëse sulmuesi norvegjez do të përshtatej në stilin e lojës së Pep Guardiolës.

Gazeta Marca ka publikuar një analizë së bashku me shkollën e trajnerëve MBP nëse Haaland do të përshtatej te City apo jo, dhe se si lojtari dhe ekipi i tij mund të përmirësohen.

Lexo po ashtu Arrihet marrëveshja në parim: Haaland te City si lojtari më i paguar në histori të Ligës Premier

Analiza taktike e Manchester Cityt

Për të parë nëse ka një vend për Haaland në këtë skuadër të Cityt, Marca ka zbërthyer dy lëvizjet kryesore që ata përdorin për të shënuar gola.

Taktika e tyre më e përdorur është të luajnë me topa pas mbrojtësve të krahut për një lojtar që hyn nga vija e dytë, i cili më pas mund të luajë një top të rrezikshëm në zonë.

Që kjo të funksionojë, është e nevojshme të keni një sulmues në zonë për të sulmuar topin dhe për të përfunduar rastet.

Taktika e dytë që kanë identifikuar është me krosimet nga zona A në një pozicion të rrezikshëm brenda zonës, që kërkon që një sulmues të përfundojë mundësitë.

Analiza individuale e Haalandit

Pasi kanë parë dy lëvizjet kryesore që skuadrat e Guardiolës përdor në situata sulmi, Marca ka kthyer vëmendjen te Haaland.

21-vjeçari është i shkëlqyer për të ndjerë dobësitë në mbrojtjen kundërshtare dhe për të sulmuar hapësirat kyçe me përshpejtimin e tij shpërthyes.

Si rezultat, ai do të ishte në gjendje të shpërthejë në zonë për të kaluar në fund të krosimeve që lojtarët e Cityt i dhanë një efekt kaq të madh.

Sulmuesi i Borussia Dortmundit është i shkëlqyer në të gjitha llojet e përfundimeve dhe siguron kontakt dhe saktësi të mirë pothuajse çdo herë.

Konkluzioni pas përfundimit të analizës

Duke analizuar lëvizjet sulmuese të Cityt dhe aftësitë e Haalandit para portës, është e qartë të shihet se ai do të përshtatej në mënyrë të përkryer në skuadrën e Guardiolës.

Lexo po ashtu Formacioni i mundshëm i Man Cityt të ‘frikshëm’ me Haalandin si qendërsulmues

Shkolla e trajnerëve MBP theksoi gjithashtu se duke pasur parasysh dëshirën e sulmuesit për t’u përmirësuar çdo ditë, dhe aftësinë e Guardiolës për të krijuar situata specifike për të maksimizuar pikat e forta të lojtarëve të tij, kjo mund të jetë një mundësi e takimit në parajsë për të dyja palët. /Telegrafi/