LAJMI I FUNDIT:

Përplasja PS-LSI për arsimin

Përplasja PS-LSI për arsimin

Debati mbi arsimin e lartë është kthyer në betejën e radhës mes PS-së dhe LSI-së. Mesditën e së hënës, Lindita Nikolla i është kundërpërgjigjur Kejdi Mehmetajt, e cila një ditë më parë e akuzoi atë dhe kryeministrin Edi Rama, se Reforma në Arsimin e Lartë është e dështuar dhe se është klienteliste.

Nikolla i ka drejtuar një sërë pyetjesh Kejdi Mehmetajt, duke kërkuar prej saj përgjigje se, ku ishte ajo kur u mbyllën 22 universitete private dhe si kanë qenë marrëdhëniet e LSI-së me universitetet e mirënjohura, sipas saj, për shitje diplomash.

Më tej, Nikolla evidenton përparësitë e Reformës në Arsimin e Lartë, e cila sipas saj forcon universitetet publike dhe u jep autonomi të plotë atyre. Gjithashtu, ky ligj – sipas saj, – u jep një mundësi më të mirë studentëve që të zgjedhin degët që duan, raporton TCH.

E në fund, ish-ministrja e Arsimit i drejton edhe një thirrje nënkryetares së LSI-së.

“Pres të dalësh e të bësh thirrje që të ndëshkohet kushdo që mashtron maturantët, duke iu ofruar tezën imagjinare në këmbim të kartës së identitetit dhe të eurove për kartën e prindërve. Bashkohu dhe ti me mua për ta denoncuar këtë mashtrim! E para, nuk ka asnjë mundësi, për askënd, që teza e sekretuar e Maturës Shtetërore, me disa nivele sigurie, të dalë. E dyta, ky është trefish krim: njerëzor, shoqëror dhe elektoral. E treta, gënjeshtra nuk mund të jetë kurrë një shans për të gjithë”, mbyll postimin Nikolla.

Por e menjëhershme ishte dhe përgjigjja e nënkryetares së LSI-së, e cila i kujton ish-ministres diplomën e saj të marrë në një universitet privat.

Duke u ndalur te shitja e tezave, Mehmetaj nënvizon:

“Më mirë se unë, e dini ju që asnjëri prej nesh në LSI nuk mund të premtojë teza apo nota provimesh, pasi ky është një proces që e kontrolloni vetëm ju të PS-së. Sikundër po ju paralajmëroj se do të kërkojmë ngritjen e një komisioni hetimor për të gjitha rastet e drejtuesve të gjimnazeve të Tiranës, apo edhe qyteteve të tjera, që premtojnë fshirjen e mungesave në këmbim të votës për partinë tuaj”, mbyllet postimi i kandidates për deputete të LSI-së në Tiranë, e cila e fton ish-ministren në një debat për këtë temë.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori