Përplaset me kundërshtarët dhe shtynë gjyqtarin shkaku i vendimit të marrë – James Rordiguez ‘pushton’ internetin për të keq

James Rodriguez nuk po kalon një kohë të mirë në Katar. Mesfushori kolumbian e mbylli ndeshjen me karton të kuq në disfatën e djeshme nga Al Rayyan dhe si pothuajse asnjëherë më parë, ai u pa duke duartrokitur dhe shtyrë arbitrin pas vendimit. Por cilat ishin motivet e James për të reaguar në këtë mënyrë?

Të gjitha polemikat janë krijuar pas faullit në minutat e fundit të lojës. Ashpërsia me të cilën hyn rivali, duke ndërhyrë me vonesë dhe duke mos pasur kontakt me topin, e la Jamesin të shtrirë në fushë me dhimbjeje, duke shkaktuar një debat mes lojtarëve të të dyja skuadrave dhe arbitrit.

Pas kalimtit të asaj situate, zemërimi kryesor i mesfushorit kolumbian u krijua me vendimin e arbitrit, i cili vendosi të mos ndëshkojë lojtarin kundërshtar që tashmë e kishte të verdhën. Pikërisht atëherë James, pa kontroll, reagon ndaj bendimit dhe sheh kartonin e parë të verdhë, një çështje që do të tërbonte më tej futbollistin, i cili vazhdoi të pretendonte deri sa u përjashtua.

Pafuqia e James vjen para rezultateve të dobëta të skuadrës së tij, e cila ka vetëm dy fitore në tetë ndeshje dhe ka humbur tashmë dy ndeshje kyçe në vit: finalen e Kupës së Emirateve kundër Al Sadd të Xavit, dhe klasikja dje ndaj Al Arabit.

Me vetëm tre ndeshje të luajtura, James e di që duhet të jap maksimumin, ndaj ky përjashtim i heq sërish vazhdimësinë që ai kërkon aq shumë për të rifilluar nivelin e tij më të mirë.

Së fundi, emri i kolumbianit përfshihet sërish në një polemikë, duke krijuar një impakt të madh mediatik në botën e futbollit dhe hap sërish pikëpyetjet e vendimit të tij për të luajtur në futbollin e Katarit, vend në të cilin pas disa javësh ai ende nuk është e mundur të akomodohet. /Telegrafi/

¡Fútbol de Catar! James desencajado con el árbitro y termina expulsado pic.twitter.com/cI8fglqda9

— Felipe Valderrama (@ValderramaFeli) October 30, 2021