Përleshje vdekjeprurëse me armë zjarri në aeroportin e Kabulit, në incident të përfshira edhe forcat amerikane dhe gjermane

Një përleshje me armë zjarri shpërtheu mes personave të armatosur të paidentifikuar dhe forcave të sigurisë në hyrje të aeroportit të Kabulit të hënën, sipas zyrtarëve të ushtrisë gjermane.

Sipas mediave të huaja, përcjell Telegrafi, një roje afgane u vra dhe tre të tjerë u plagosën, thanë zyrtarët, me forcat amerikane dhe gjermane të përfshira gjithashtu në incident.

Aeroporti ka qenë një skenë kaosi për pjesën më të madhe të javës që nga marrja e Kabulit nga talebanët, me mijëra afganë dhe shtetas të huaj që përpiqen të largohen nga vendi.

Heute Morgen um 04.13Uhr MESZ kam es am North Gate des Flughafens #Kabul zu einem Feuergefecht zwischen afghanischen Sicherheitskräften und unbekannten Angreifern. Eine afghanische Sicherheitskraft wurde dabei getötet, drei weitere verwundet. pic.twitter.com/4FLILE1NVA

— Bundeswehr im Einsatz (@Bw_Einsatz) August 23, 2021

Një zyrtar i NATO-s i tha Reuters të dielën se të paktën 20 njerëz kishin vdekur në dhe përreth aeroportit që nga fundjava e kaluar – përfshirë nga incidentet e shtypjes dhe të shtënave.

Ndërkohë presidenti Joe Biden tha të dielën se evakuimi i amerikanëve, afganëve në rrezik dhe të tjerëve nga aeroporti i Kabulit është përshpejtuar këtë fundjavë, megjithëse mbetet i prekshëm ndaj kërcënimeve të paraqitura nga grupi ekstremist i Shtetit Islamik.

“Shpresa jonë është se nuk do të na duhet ta shtyjmë, por ka diskutime”, citohet të ketë thënë ai, duke sugjeruar mundësinë që të konsultohen edhe talebanët. /Telegrafi/