Për veshjen e saj në amfAR, Rita Ora u inspirua nga Prince

Këngëtarja shqiptare me famë botërore, Rita Ora, ishte e ftuar speciale për një performancë në ngjarjen e madhe amfAR në Milano të Italisë, ku mblodhi shumë personalitete të njohura botërore.

Derisa u shfaq me fustan të bardhë në tepihun e kuq, për performancën e saj, ajo kishte zgjedhur një fustan dy pjesësh të Escada, e po ashtu edhe një kostum të kuq.

Dhe për këtë të fundit, biondja tregon se është inspiruar nga këngëtari dhe producenti amerikan, Prince.

https://www.instagram.com/p/B2tnLSOlKZ1/

Bukuroshja jonë ka publikuar disa fotografi në rrjetet sociale, gjersa me të njëjtën veshje është shfaqur edhe artisti i ndjerë, shumë vite më parë.

“Një kujtim për një nga artistët më të mëdhenj dhe më frymëzues të të gjitha kohërave. Faleminderit Escada për ndihmën në sjelljen e kësaj pamje. Prince më mungon gjithmonë”, ka shkruar krahas imazheve 28-vjeçarja.

Lexo po ashtu Rita Ora shkëlqen në mbrëmjen gala të ‘amfAR’ gjatë Javës së Modës në Milano

Përveç personaliteteve botërore, në amfAR këtë vit ishte i ftuar edhe komediani Ermal Mamaqi me bashkëshorten Amarda Toska si dhe modelja Aurela Hoxha.

https://www.instagram.com/p/B2wwOrljDVP/

Rita po ashtu në Javën e Modës interpretoi disa prej hiteve të saj, si “Lonely Together”, “Medley”, “Let you love me” etj. /Telegrafi/