Për herë të parë, mund të bleni online biletën e Trafiku Urban në GjirafaTravel

Sot, GjirafaTravel dhe Trafiku Urban janë krenarë të njoftojnë për një partneritet të ri që sjell një avansim të rëndësishëm për udhëtarët në Kosovë. Pas një bashkëpunimi të ngushtë, tani udhëmarrësit kanë mundësinë të blejnë online biletën e tyre të autobusit nga Prishtina drejt Aeroportit Ndërkombëtar “Adem Jashari” dhe anasjelltas, duke përdorur platformën e mirënjohur të udhëtimit, GjirafaTravel.

View this post on Instagram

A post shared by GjirafaTravel (@gjirafatravel)

Ky partneritet paraqet një hap të rëndësishëm drejt përmirësimit të shërbimeve të udhëtimit në Kosovë. Trafiku Urban, ndërmarrja publike e transportit që u shërben qytetarëve të Prishtinës, dhe GjirafaTravel, një platformë inovative për blerje të biletave online, kanë bashkuar forcat për të bërë eksperiencën e udhëtimit më të lehtë dhe më të përshtatshme për udhëtarët vendorë dhe ndërkombëtarë në Kosovë.

Kryeshefi Ekzekutiv i Trafikut Urban, Burim Maraj, sot nënshkroi marrëveshje me udhëheqësen e GjirafaTravel, Erëza Gjikolli, nëpërmjet të cilës bëhet i mundur rezervimi online i biletave për linjën 1A për të gjithë udhëtarët. 

Tani në platformën GjirafaTravel mund të shihet orari dhe çmimi i biletës dhe kjo biletë mund të rezervohet online për udhëtim me autobusë nga Aeroporti Ndërkombëtar “Adem Jashari” në qendër të qytetit të Prishtinës dhe anasjelltas. 

Kryeshefi Maraj e vlerësoi këtë marrëveshje si të rëndësishme, duke e potencuar procedurën e lehtë të shfrytëzimit dhe rritjen e përdorimit të kësaj linje për qytetarët dhe vizitorët e Prishtinës.

View this post on Instagram

A post shared by Trafiku Urban (@trafikurban_pr)

Ndërsa znj. Gjikolli nga Gjirafa falënderoi Kryeshefin Maraj për bashkëpunimin e ngushtë dhe u shpreh se kjo mundësi e rezervimit online të biletave ofron lehtësi për udhëtarët gjatë shfrytëzimit të transportit publik në linjën përkatëse.

Nga sot, nëpërmjet platformës GjirafaTravel, përdoruesit mund të blejnë biletën e autobusit nga Prishtina drejt Aeroportit Ndërkombëtar “Adem Jashari” dhe anasjelltas, duke shfrytëzuar një platformë të thjeshtë dhe lehtë të përdorshme, për të zvogëluar kohën dhe përpjekjet e udhëtarëve duke ofruar një zgjidhje të integruar për blerjen e biletave.

Me këtë bashkëpunim, GjirafaTravel dhe Trafiku Urban synojnë të kontribuojnë në përmirësimin e infrastrukturës së transportit publik dhe të lehtësojnë çasjen e udhëtarëve. Ky është vetëm fillimi i një rrugëtimi të gjatë drejt ofrimit të shërbimeve më të mira për udhëtarët në Kosovë.