Khloe Kardashian për herë të parë jep komentin publik pas tradhtisë së partnerit

Tradhtia skandaloze e Tristan Thompsonit, është tema e ardhshme e diskutimit në episodin e ri të ‘Keeping Up With the Kardashians”.

Khloe Kardashian së fundmi ka bërë një koment publik, duke treguar për herë të parë për mënyrën se si është dashur ta tejkalojë një ndodhi të tillë në jetë.

E gjitha nisi nga një koment i bërë nga një fanse në rrjetin social Twitter, e cila shkruante: “Ndjehem shumë keq që Khloe’t iu desh që të merrej me atë që bëri Tristan.

Ti je shumë e fortë që po e diskuton një çështje kaq personale në një shfaqje televizive duke e ditur që miliona njerëz e shohin.

Unë s’do kisha qenë e gatshme ta bëja”, ka shkruar ai.

Ndërkohë, nuk ka munguar edhe përgjigja e bukuroshes Kardashian, e cila ka konfirmuar se do të shfaqet një episod i tillë, ku do të diskutohet kjo temë.

“Fatkeqësisht do të shfaqet. Kam pranuar ta bëj këtë shfaqje për të mirë e për të keq. E keqja është zor të thuhet por kjo është jeta’, ka qenë përgjigja e Khloe Kardashianit. /Telegrafi/