Për 27 minuta shënon 52 pikë, Klay Thompson thyen edhe rekordin për tre pikë të Stephen Curryt

Klay Thompson, i cili në të kaluarën kishte rezultate të “çmendura”, një të tillë e bëri edhe gjatë mbrëmjes së kaluar në NBA.

Kampioni i ligës më të fortë basketbollit në botë, Golden State Warriors realizoi edhe fitoren e shtatë duke e mposhtur kësaj radhe Chicago Bulls me rezultat 149-124.

E lojtari kryesor i fitores së luftëtarëve ishte basketbollisti amerikan, Thompson, i cili për 27 minutat e kaluara në parket, realizoi hiq më pak se 52 pikë.

Për më tepër lojtari theu edhe një rekord të kolegut, Stephen Curry, i cili njihet si snajperist i gjuajtjeve për tre pikë.

Tompson, i cili në fillim të sezonit pati statistika të dobëta (5 treshe nga 36 përpjekjeve), mbrëmë ka realizuar 14 tre pikësha nga 24 gjuajtje.

Në fakt, Thompson theu rekordin e vendosur dy vjet më parë nga ana e 30-vjeçarit, i cili kishte shënuar 13 treshe, gjersa Klay realizoi në këtë takim një më tepër.

Lexo po ashtu Rezultatet dhe highlight's e ndeshjeve të fundit në NBA

“Kam ndjenja të përziera, në pjesën më të madhe ndihem mirë. Unë nuk do të arrija këtë pa ndihmën e bashkëlojtarëve. Në çerekun e tretë ata më ushqyen me topa. Jam me fat që luajtur me ta. Nuk kam bërë një fillim të mirë në ndeshjet e para të kampionatit, por e dija se në një moment do të kishte një “natë të madhe”, tha Thompson.

Ndryshe, ekipi i Klayt mban vendin e parë në Konferencën e Perëndimit me shtatë fitore dhe vetëm një humbje. /Telegrafi/

https://youtu.be/DN8gYTQ8_mY