PEPR: Edhe të vdekurit kanë votuar për Amdi Bajramin

Partia për emancipim të plotë të romëve (PEPR) do të bëjë padi penale deri te PSP për Listën zgjedhore në komunën e Shuto Orizarit dhe do të kërkojë të bëhet kontrolli i listave votuese nga zgjedhjet e vitit 2014 dhe në vitin 2011, me se siç thuan ata, do të vërtetohen votuesit e falsifikuar, transmeton Telegrafi Maqedoni.

„Dëshmi akoma më e madhe janë audio dhe video xhirimet të cilat i posedon PSP, ku vetë deklarojnë në bisedën telefonike se edhe të vdekurit kanë votuar për Amdi Bajramin dhe të birin e tij. Konsiderojmë që kontrolli i këtillë duhet të zbatohet menjëherë sepse më 31 gusht do të vendoset për datën e zgjedhjeve. Partia me siguri pohon se në listat e votuesve të vitit 2011 dhe 2014 ka votues fantazmë, njerëz të cilët janë jashtë vendit dhe asnjëherë nuk kanë votuar, dhe njerëz të vdekur të cilët akoma gjenden në Listën zgjedhore. Konsiderojmë se njëherë e përgjithmonë duhet ti jepet fund këtij grupi kriminel me në krye Amdi Bajramin për falsifikime dhe le të ketë njëherë zgjedhje të ndershme dhe të rregullta në Shuto Orizarë, dhe le të fitojë ai të cilit populli do t’ia jep votën“, reagojnë nga PEPR./Telegrafi/