Botë Nga Bota

Pengmarrja e aeroplanit të EgyptAir – ndiqni gjithçka LIVE (Foto/Video)

Para 9 vitesh

Në aeroplan ka ende të mbajtur peng

Një njeri i cili thuhet të jetë i mbështjellë me eksploziv ka rrëmbyer një avion pasagjerësh.

Shtatë persona, duke përfshirë tre udhëtarë të huaj, janë ende duke u mbajtur në aeroplanin e Egyptair, i cili zbarkoi në Qipro, transmeton Telegrafi.

Fluturimi MSR181 ka bartur 81 udhëtarë – përfshirë katër britanikë dhe një shtetas irlandez – kur u rrëmbye nga një shtetas egjiptian i quajtur si Ibrahim Samaha.

Shumica e pasagjerëve të tjerë janë lejuar të zbarkonin. /Telegrafi/

———————————–

Lirohen pasagjerë tjerë – rasti s’ka të bëjë me terrorizëm

Katër deri në pesë pasagjerë janë parë të kenë dalë nga aeroplani i Egyptair i rrëmbyer dhe i devijuar për në aeroportin Larnaca në Qipro të martën, ka raportuar media shtetërore qipriote.

Nuk është ende e qartë se sa persona kanë mbetur brenda aeroplanit. Më herët, Egyptair ka raportuar se katër pasagjerë të huaj dhe ekuipazhi prej 7 anëtarësh kanë mbetur në bord ndërsa janë liruar 49 të tjerë.

Duke u thirrur në burime të sigurisë, media shtetërore e Qipros ka raportuar se motivet e rrëmbyesit duket të kenë qenë personale, dhe ka kërkuar të kontaktojë me ish-gruan e tij, e cila jeton në Qipro.

“Nuk është diçka që ka të bëjë me terrorizëm”, ka thënë presidenti qipriot, Nicos Anastasiades.

———————————-

Rrëmbyesi i EgyptAir është profesor universitar i veterinarisë

Rrëmbyesi i aeroplanit EgyptAir, Ibrahim Abdel Tawwab Samaha, është profesor i mjekësisë veterinare në Universitetin e Aleksandrisë, tregon lista e stafit në ueb-faqen e universitetit, raporton Reuters.

Sipas kësaj ueb-faqeje, Samaha është shef i departamentit për shëndetësinë e ushqimit.

———————————–

Një avion i kompanisë egjiptiane EgyptAir, i cili fluturonte nga Aleksandriaa në Kairo, është rrëmbyer dhe detyruar të ulet në Qipro, kanë bërë të dityr zyrtarët qipriotë, në orën 8:30.

Agjencia Associated Press citon zyrtarët që thonë se besojnë se ka një bombë në avionin që u ul në aeroportin e Larnakës.

Një tjetër zyrtar thotë se me sa duket ka më tepër se një rrëmbyes.

Rrëmbyesit kanë kërkuar që autoritetet të lënë të lirë pistën, për të liruar gratë e fëmijët, të cilët kanë filluar tashmë të zbresin nga avioni, bën të ditur Andrulla Vasiliu, ish-komisionere e BE për Arsimin.

Autoritetet e aviacionit civil egjiptian thonë se piloti është kërcënuar nga një pasagjer me brez eksplozivi.

Deklarata nga aviacioni egjiptian sqaron se fluturimi MS181 është një Airbus A320 me 55 pasagjerë dhe 5 anëtarë të ekuipazhit në bord.

Rrëmbyesit kanë liruar të gjithë shtetasit egjiptianë, por po mbajnë peng pesë shtetas të huaj dhe anëtarët e ekipazhit. Pasagjerët e mbajtur janë tre anglezë, një italian e një irlandez.

Më herët, agjencia Reuters shkruante se në bord ishin 8 britanikë e 10 amerikanë.

Kompania egjiptiane ka publikuar në Twitter se në bord ishin 56 pasagjerë dhe 7 anëtarë të ekuipazhit.

Është bërë i ditur emri i njërit prej rrëmbyesve, Ibrahim Samaha, shtetas libian, i cili kërkon azil në Qipro.

Media egjiptiane ka publikuar foton e pengmarrësit Ibrahim Samaha, libiani 27-vjeçar që mban 11 persona në avionin e EgyptAir, katër pasagjerë të huaj dhe 7 anëtarët e ekuipazhit.

Ai kërkon që t’i dërgojë një letër ish-gruas së tij, përveç azilit politik. /javanews/

—————————

Deri më tani janë liruar nga aeroplani i rrëmbyer i Egyptair të gjithë pasagjerët, përveç katër të huajve dhe ekuipazhit të aeroplanit.

Sot është rrëmbyer aeroplani i linjës ajrore të Egyptian airlines, përkatësisht fluturimi MS181, i cili po udhëtonte nga Alexandria në Kajro.

Ai është rrëmbyer nga një pasagjerë i cili ishte i “pajisur” me një jelek vetëvrasës. /Telegrafi/

—————————

Siç raportojnë mediat e huaja, deri më tani janë liruar nga aeroplani i rrëmbyer i Egyptair të gjithë pasagjerët, përveç katër të huajve dhe ekuipazhit të aeroplanit.

Sot është rrëmbyer aeroplani i linjës ajrore të Egyptian airlines, përkatësisht fluturimi MS181, i cili po udhëtonte nga Alexandria në Kajro.