Pendarovski: Kemi obligim që bullgarët t’i përfshijmë në Kushtetutë

“Prioriteti ynë në këtë moment janë ndryshimet kushtetuese që dalin nga Korniza Negociatore me BE-në dhe për të gjitha çështjet e tjera ekziston vullneti i qartë politik për të zhvilluar një debat politik legjitim demokratik dhe për t’i përfunduar menjëherë ato detyrime. Në këtë kuptim, i bëj thirrje të gjitha partive politike pro-evropiane dhe deputetëve në Kuvend të bëjnë zgjedhjen e tyre. Dhe kjo zgjedhje është e thjeshtë ose interesa partiake ose e ardhmja evropiane e shtetit”.

Ky është, ndër të tjera, mesazhi që presidenti Stevo Pendarovski e dërgoi në fjalimin e tij në panelin e diskutimit “E ardhmja e zgjerimit të BE-së – Cilat janë përfitimet për Maqedoninë e Veriut dhe Bashkimin Evropian?”, organizuar nga Fondacioni Konrad Adenauer, Lëvizja Evropiane në Republikën e Maqedonisë së Veriut dhe Qendra për Studime Evropiane “Wilfried Martens” nga Brukseli.

“Për ne, prioritetet në procesin e anëtarësimit janë urgjente. Detyra jonë e parë është ta përmbushim obligimin që kemi marrë përsipër me pranimin e Kornizës negociuese, e cila i mundësoi vendit pas më shumë se një dekade e gjysmë përfundimisht t’i hapim negociatat me konferencën e parë ndërqeveritare dhe me procesin e skriningut”, tha Pendarovski.

Ai shtoi se “ai obligim është i qartë dhe i padiskutueshëm dhe duhet ta plotësojmë duke i futur në Kushtetutë ata tre mijë e gjysmë qytetarë tanë që janë deklaruar si bullgarë në regjistrimin e fundit, në preambulë dhe në pjesën normative, në në mënyrë identike si më parë përfshiheshin edhe pjesë të tjera të kombeve.

Ai tha se shteti i së drejtës është fillimi dhe fundi i të gjitha reformave, kusht pa të cilin nuk mund të funksionojë asnjë segment i shoqërisë./Telegrafi/