Pavarësisht shëndetit të tij të dobët, Bruce Springsteen nuk ka në plan të heqë dorë nga turneu i tij

Muzikanti Bruce Springsteen së fundmi zbuloi se ai ende nuk ka plane për një turne lamtumire, pavarësisht se ka anuluar dhe shtyrë disa shfaqje gjatë muajve të fundit.

Gjegjësisht, pas anulimit të vazhdueshëm të performancave, muzikanti 74-vjeçar tha se ai dhe grupi i tij E Street Band nuk kanë ndërmend të heqin dorë nga koncertet.

“Ne kemi qenë rreth e rrotull për 50 vjet! Ne nuk po dorëzohemi. Nuk po bëjmë një turne lamtumire. Jezus Krisht! Nuk ka turne lamtumire për E Street Band”, tha Springsteen së fundmi një turme në Citizens, Bank Park në Filadelfia.

Turma e shpërbleu me duartrokitje dhe ai përsëriti se nuk do të dorëzohej.

Springsteen filloi turneun e tij botëror në shkurt të vitit 2023, por iu desh të shtynte koncertet midis shtatorit dhe dhjetorit kur pati një ulçerë në stomak, e cila kërkonte trajtim urgjent.

Turneun e ka vazhduar në mars të këtij viti, por në fund të majit është detyruar të anulojë koncertet për shkak të problemeve me kordat vokale.

Aktualisht është në fazën e fundit të turneut, i cili do të përfundojë në nëntor me një koncert në Kanada, ndërsa shfaqjet e shtyra do të zhvillohen në maj dhe korrik 2025. /Telegrafi/