Pavarësisht që 10 vite më parë vrau 77 persona në sulmin më vdekjeprurës në Norvegji, Breivik kërkon lirimin me kusht

Vetëm dhjetë vite pasi kreu sulmin më vdekjeprurës në Norvegji, ekstremisti Anders Breivik kërkoi sot nga trupi gjykues të lirohet me kusht – e një kërkesë e tillë nga gjykata pritet të refuzohet.

Familjet e viktimave frikësohen se Breivik do të shfrytëzojë seancën dëgjimore për të promovuar qëndrimet e tij politike, dhe për këtë kanë bërë thirrje që të mos i kushtohet shumë vëmendje siç edhe ai po e kërkon, transmeotn Telegrafi.

Për arsye sigurie, gjykata në jug të rajonit Telemark, seancën do ta mbajë në palestrën e burgut Skien, ku Breivik po vuan dënimin.

Breivik pati vrarë 77 persona dhe për këtë u dënuar me 21 vite burgim në vitin 2012, ku ekziston mundësia që dënimi t’i zgjatet nëse ai vlerësohet se paraqet rrezik për shoqërinë.

Breivik, sot 42-vjeç, pati vrarë tetë persona në Oslo me shpërthimin e një kamioni plotë me eksplozivë para zyrave të qeverisë gjatë 22 korrikut 2011.

Më pas ka qëlluar me pushkë 69 tjerë, shumica prej tyre adoleshentë që kishin shkuar në një kamp veror në ishullin Utoya. /Telegrafi/