Pas Pochettinos edhe Kane kundër transferimeve: Nuk kemi nevojë për lojtarë të rinj në janar  

Sulmuesi i Tottenham Hotspur, Harry Kane këmbëngul se klubi nuk është i etur për nënshkrime të reja gjatë afatit kalimtar të janarit.

Spurs e hodhi poshtë Manchester Cityn nga vendin e dytë në Ligën Premier me një fitore mahnitëse 5-0 ndaj Bournemouth në Wembley në Boxing Day.

Ky sukses i Spurs vjen pa nënshkruar asnjë lojtar të vetëm në verë, gjë e cila u pa me habi nga njerëzit e futbollit.

Lexo po ashtu Pochettino fajëson Brexitin për mos transferimin e asnjë lojtari nga Tottenhami  

Megjithatë, trajneri Mauricio Pochettino dhe tani edhe Kane thonë se nuk janë të etur për të nënshkruar lojtarë as gjatë janarit.

“Ndonjëherë nëse nuk mund të gjesh lojtarin e duhur nuk ka nevojë të blesh një lojtar”, ka thënë fillimisht Kane për ESPN.

“Kjo është padyshim filozofia e trajnerit të klubit dhe ky ishte mendimi i tij [në verë]”.

Lexo po ashtu Vendimi i çuditshëm i Pochettinos: Nuk do të bëjmë transferime as në janar

“Ai besonte në skuadrën që kishte dhe ne jemi duke bërë mirë deri më tani”.

“Ne do të shohim se çfarë ndodh në afatin e transferimeve të janarit. Nëse ai do të blejë dikë, atëherë unë jam i sigurt se do të vazhdojmë të bëjmë atë që po bëjmë”, përfundoi anglezi. /Telegrafi/