Pas gjashtë muajve burg në Afganistan, talibanët lirojnë pesë britanikët

Pesë britanikë të cilët ishin burgosur nga Talibanët që nga dhjetori i vitit të shkuar, duke përfshirë këtu edhe ish-kameramanin e BBC dhe ekspertin e çështjes së Afganistanit, Peter Jouvenal, u liruan të gjatë së hënës, pas disa negociatave të bëra nga Zyra e Punëve të Jashtme Britanike.

Është bërë e ditur se pesë britanikët ishin kapur veçmas, dhe se burimet britanike thanë se asgjë përpos një kërkim falje nuk është dhënë në këmbim të lirimit të tyre.

Megjithatë qeveria britanike të dielën lëshoi një deklaratë publike, duke refuzuar të flasin mbi dhunën në Afganistan ku u tha se nuk kishte një alternativë tjetër mbi angazhimin pragmatik me administratën aktuale, transmeton Telegrafi.

Jouvenal u arrestua nga talibanët në Kabul gjashtë muaj më parë, pasi që ai kishte udhëtuar në atë vend për diskutim në lidhje me investimet në miniera, dhe për të biseduar me disa miq të kahershëm që gjendeshin atje.

Ai është i martuar me një afgane me të cilën ka tre fëmijë, dhe sipas fjalëve të reporterit të BBC-së, John Simpson, ai është një nga kameramanët më të mirë në botë. Të dytë kishin punuar së bashku para afro dy dekadave më parë.

Zyra e Punëve të Jashtme Britanike tha se nuk do të lëshojë emrat e të liruarve të tjerë, por që konfirmuan se nuk ka të burgosur të tjerë me shtetësi britanike. /Telegrafi/