Bia Khalifa është banorja e fundit që u eliminua në edicionin e këtij viti të BBVK-së.
Ajo u largua nga shtëpia më e famshme pas afro dy muajsh qëndrimi brenda izolimit dhe sfidave të ndryshme që ofron programi.
Tani duket se Bia po e shijon plotësisht jetën jashtë Big Brother-it, derisa u pa duke kaluar kohë bashkë me Sasën, e cila gjithashtu ka qenë banore e këtij edicioni.
Të dyja u shfaqën së bashku në një veturë, duke bërë një udhëtim të thjeshtë.
Siç mund të vërehet nga një video të postuar në rrjetet sociale, Bia po shijonte muzikën në sfond, duke kënduar me gjithë shpirt.
“Gjakova”, thoshte ajo me entuziazëm, ndërsa vallëzonte me ritmin e muzikës dhe duke u argëtuar në mënyrën më natyrale.
Në anën tjetër, Sasa mbante një qëndrim tjetër, porse shihej duke buzëqeshur.
