Pamje të tmerrshme: “Militantët e ISIS-it” hidhen drejt një shkëmbi, më pas qëllohen me plumba (Video,+18)

Qeveria e Irakut ka thënë se po heton një video në të cilën thuhet se shihen forcat e saj duke hedhur militantët e ISIS-it mbi një shkëmb dhe pastaj duke i qëlluar për vdekje.

Sipas asaj që shkruajnë mediat e huaja, përcjell Telegrafi, pamjet që janë shpërndarë në internet, tregojnë burra me uniformë duke tërhequr një njeri të gjakosur dhe të paarmatosur në skaj të një shkëmbi dhe duke e hedhur mbi të.

Pasi hidhet mbi një trup tjetër, rreth 10 metra më poshtë, ai është qëlluar shumë herë, thuhet më tej.

Kjo video thuhet se u shpërnda në llogarinë e Twitter të “Syrit të Mosulit”, i cili u krijua nga një historian i pavarur i cili rregullisht publikon informacione rreth luftimeve në qytetin verior të Irakut.

E gjeneral brigade Yahya Rasool, zëdhënës i Komandës së Përbashkët të Operacioneve ka thënë: “Ne po e ndjekim këtë çështje shumë afër dhe të gjithë udhëheqja e forcave irakiane dhe ushtarake janë të interesuar të njohin detajet e kësaj çështjeje”.

“Nëse ka ndonjë shkelje të të drejtave të njeriut nga çdo forcë, ata do të mbahen përgjegjës ushtarakisht dhe ne do të jemi vërtet të ashpër”.

Megjithatë, ai nuk ka konfirmuar autenticitetin e videos.

Megjithatë, Human Rights Watch (HRW) ka verifikuar vendndodhjen e videos duke përdorur imazhet satelitore, sipas BBC.

Një raport i kohëve të fundit nga organizata pohonte të shumta abuzime të të drejtave të njeriut nga forcat irakiane, të cilat i akuzoi për “rrahjen dhe vrasjen në mënyrë të paligjshme të burrave dhe djemve që iknin nga Mosuli”.

Katër dëshmitarë i thanë grupit aktivist se kishin ekzekutuar gjithashtu burra të paarmatosur. /Telegrafi/