I pakënaqur me trajtimin që i është bërë mikut të tij, mjeku i spitalit të Floridës grushton burrin në korridor (Video, +18)

Një video amatore ka shokuar opinionin në SHBA, për faktin se në të shfaqet një mjek që grushton një burrë me të cilin kishte mosmarrëveshje rreth kujdesit të një pacienti në hollin e spitalit në Florida.

Matthew Coplan të cilin e kishte kapur për fyti mjeku William Sanchez disa herë, pretendon se është i nervozuar për shkak të incidentit që kishte ndodhur, transmeton Telegrafi.

Coplan që kujdesej për një mik kishte filluar të grindet me mjekun Sanchez, pasi nuk ishte i kënaqur me barnat që ia kishte përshkruar mikut në spitalin Memorial West në Florida.

Coplan tha se miku i tij vuante nga kanceri dhe se veshkat nuk i punonin, ndërsa gjatë një interviste dhënë televizionit lokal 10 News, tha se mjeku ishte bërë nervoz kur e kishte pyetur për tretmanin që po i bëhet mikut të tij.

Në videon e publikuar më poshtë, shihet se si Coplan i afrohet mjekut për ta pyetur duke i kërkuar që të takohet me drejtorin e repartit. Dhe duket se kjo kërkesë e tij nervozoi mjekun, që fillimisht e kapi për fyti dhe disa sekonda më pas fillon ta grushtoj Coplanin. /Telegrafi/

https://twitter.com/IanMargolWPLG/status/1095453518889172994