OBRM-PDUKM po e shton kritikën ndaj sindikalistëve para protestës të paralajmëruar nga Lidhja e Sindikatave më 2 prill. Sindikalistët do të protestojnë sepse qeveria vendosi që paga minimale të rritet për 1800 denarë, pa miratimin e Këshillit Ekonomiko-Social, duke arritur në 24400 denarë, ndërsa ata kërkojnë që të zbatohet harmonizimi ligjor dhe paga të jetë 500 euro. OBRM-PDUKM vazhdon të sulmojë sindikalistët.

Sindikalistët nuk i komentojnë akuzat e partisë. Në konferencën për media të javës së kaluar ata u ankuan se ende nuk janë zhvilluar negociata me shumicën e sindikatave të degëve për nivelet e pagave në sektorin publik, siç parashikohet në marrëveshjen e përgjithshme kolektive. Ndryshe, Këshilli Ekonomiko-Social aktualisht është pa përfaqësues të punëtorëve, sepse nuk ka pasur Komisioni Përfaqësues, i cili duhet të vendosë se cila sindikatë është përfaqësuese.

Reagime ka edhe nga punonjës të arsimit. Ata kanë frikë se me rritjen prej 7% në prill mund të anashkalohet ligji i pagës minimale dhe për marrëveshje kolektive.

Ministrja e arsimit Vesna Janevska qetëson, thotë se këto janë spekulime.

Kryeministri u mburr sot edhe se punonjësit e shëndetësisë do të marrin paga më të larta në muajin prill, bashkë me rritjen e mëparshme në fund të vitit të kaluar prej rreth 15%.

Por mbetet e paqartë nëse sindikalistët do t’i shfrytëzojnë protestat për të luftuar për një pagë minimale prej 500 euro, e cila do të rriste të gjitha pagat në vend. Me pagën minimale aktuale prej 24.400 denarë ose 396 euro, vendi është në fund në rajon, bashkë me Kosovën dhe Shqipërinë.

Maqedonia e VeriutLajme