Pa Messin dhe Ramosin – Kush është aktualisht ylli më i madh në La Liga?

Sezoni i parë spanjoll pa Lionel Messin pas 17 vitesh ka filluar, ndërsa tifozët tani pyesin se kush është ylli më i madh në La Liga aktualisht.

Largimi i Messit, erdhi pasi u largua Sergio Ramos, duke bërë që La Liga të humb dy figura të mëdha.

Më herët kampionati spanjoll kishte humbur edhe Cristiano Ronaldon, ku për vite ishte La Liga ishte arena e dy lojtarëve kryesorë në planet.

Tani, me largimin e të dy lojtarëve, nuk ka asnjë yll të spikatur, kështu që vjen pyetja: Kush është ylli i La Liga tani?

Për fat të mirë, ka shumë lojtarë të mirë në La Liga dhe me talent të klasit botëror, lojtarë të cilët janë kënaqësi për t’u parë.

Marca ka zgjedhur disa nga emrat që mund të jenë në listë për yllin e sezonit.

Jan Oblak, portieri i artë 

La Liga mund të mos ketë më lojtarin më të mirë në botë, por portieri më i mirë në e ka dhe ai është Jan Oblak i Atletico Madrid. Me pesë trofetë Zamora, slloveni ka qenë çelësi i suksesit të Atleticos.

Karim Benzema, sulmuesi vrasës 

Sulmuesi francez ka pasur një barrë më të madhe të shënimit të golave ​​në epokën pas largimit të Cristianos dhe ai ka ngritur lojën e tij gjithashtu, duke u bërë një lojtar më i kompletuar. Në moshën 33 -vjeçare, Benzema mbetet një, nëse jo më i miri Nr.9 në futbollin botëror.

Antoine Griezmann, tani pa hijen e Messit

Griezmann deri më tani nuk ka arritur të përmbushë pritjet që nga kalimi i tij nga Atletico te Barcelona, por ai mund të lulëzojë tani, kur Messi është larguar.

Nëse Blaugrana duan të ketë sukses këtë sezon, ata me siguri do të kenë nevojë për sulmuesin francez.

Luis Suarez, sulmuesi kampion

Golat e uruguaianit ndihmuan që Atletico të fitonin titullin në La Liga sezonin e kaluar dhe ai do të jetë i etur për të dëshmuar cilësinë e tij edhe një herë teksa Colchoneros duan të mbrojnë titullin e tyre. Suarez bëri që dyshimet për të të binin poshtë, duke treguar se ende është një numër 9 i denjë për kampionët.

David Alaba, “Ramos i ri”

Pas largimit të Sergio Ramos te Paris Saint-Germain, austriaku i gjithanshëm do të jetë nr.4 i Real Madridit këtë sezon.

Alaba vjen në Spanjë me një reputacion dhe përvojë të madhe. Detyra e tij është të çojë Los Blancos drejt suksesit.

Pedri, talenti i së ardhmes 

Ngritja e mesfushorit adoleshent vitin e kaluar ka qenë meteorike edhe pse ai është ende vetëm 18-vjeç. Shumë thonë që Pedri do të jetë lojtari më i mirë në La Liga.

Spanjolli ka një talent të jashtëzakonshëm dhe është kthyer në një pjesë kyçe për klubin dhe vendin. Nëse ai mund të vazhdojë përparimin e tij, ai do të jetë kyç edhe për Barcelonën pa Messin.

Gerard Moreno, golashënuesi i kombëtares

Sulmuesi i Villarreal ka fituar “Trofeun Zarra” si golashënuesi më i mirë spanjoll në La Liga për dy sezonet e fundit. Performanca e tij gjithashtu ndihmoi “Nëndetësen e Verdhë” të fitonte Ligën e Evropës në 2021 dhe të siguronte kualifikimin në Ligën e Kampionëve.

Një tjetër sezon i mirë nga golashënuesi më i mirë spanjoll do të bënte që Villarreali të shqetësonte skuadrat në top katër.

Marcos Llorente, lojtari i kompletuar

Është e vështirë të caktosh një pozicion të vetëm për Llorenten, por e lehtë të identifikosh spanjollin si pjesë kyçe e ekipit fitues të titullit të Atleticos.

26-vjeçari ka shënuar edhe gola të rëndësishëm. Do të shohim nëse ai bën një hap tjetër këtë sezon.

Eden Hazard, shansi i fundit

Anësori belg është padyshim një nga emrat më të mëdhenj në La Liga dhe kjo është ajo që justifikon përfshirjen e tij këtu; jo atë që ka bërë, por atë që mund të bëjë.

Ish -lojtari i Chelseat ka qenë i dëmtuar shumë në dy vitet e fundit, por më në fund mund të jetë koha që ai t’i tregojë vetën në La Liga Santander. Nëse ai mund të kthehet në formë, mund të jetë shkatërrues për pjesën tjetër të La Ligas.

Memphis Depay, shpresa e madhe e Barcelonës

Pritshmëria për sulmuesin holandez u rritën dhjetëfish kur Messi u nis për në Paris dhe Blaugranat do të ketë nevojë që ai arrijnë në një pikë, kur do të mund të konsiderohej lider.

Luka Modric, “Topi i Artë” i fundit

Gjeniu kroat është lojtari i vetëm i mbetur në Spanjë që ka një “Top të Artë”.

Ai mund të jetë 36 vjeç, por gjatë vitit të fundit ka treguar se është ende një nga lojtarët më të mirë të mesfushës në botë dhe Los Blancos do të mbështeten shumë tek ai. /Telegrafi/