“Pa maska dhe pa distancë sociale” – “Brit Awards 2021” do të ketë katër mijë pjesëmarrës

Të gjithë të pranishmit duhet të pranojnë të marrin pjesë në një program të sponsorizuar nga qeveria e Mbretërisë së Bashkuar.

“Brit Awards 2021”, të caktuar për 11 maj në arenën O2 në Londër, do të jetë një festë e po ashtu edhe një sfidë.

Shfaqja pritet të ketë një audiencë prej katër mijë pjesëmarrës – afërsisht një e pesta e kapacitetit të vendit.

Por, pjesa më befasuese është se të pranishmit nuk janë të distancuar nga njëri-tjetri dhe se nuk do t’i kërkohet të mbajnë një maskë.

Në një deklaratë, “Brit Awards” e cilësojnë këtë si ‘ngjarjen e parë të mbajtur që nga pandemia’ – një moment për të rikthyer artistët në skenë.

Lexo po ashtu Dy shqiptarë nga Kosova, Dua Lipa dhe Regard të nominuar në mbrëmjen e madhe të ndarjes së çmimeve Brit Awards 2021

Rreth 2,500 bileta do të dhurohen nga industria e regjistruar e muzikës për ‘punëtorët kryesorë’ – termi britanik për ‘punëtorët thelbësorë’ – në zonën më të madhe të Londrës. (Kjo ka për qëllim të dekurajojë udhëtimet në distanca më të gjata).

1500 biletat e mbetura do të caktohen për blerje nga artistët e nominuar dhe ekipet e tyre.

Një deklaratë vë në dukje: “Ceremonia dhe shfaqja drejtpërdrejt do të jenë pjesë e Programit Shkencor të Kërkimit të Ngjarjeve të Qeverisë, duke përdorur qasje të zgjeruara të testimit për të shqyrtuar se si mund të ndodhin ngjarjet pa nevojën e distancës shoqërore”.

“Duke punuar ngushtë me Qeverinë për t’iu përmbajtur udhëzimeve të sigurisë, kjo do të thotë që britanikët, si shfaqja e parë e muzikës live në The O2 në më shumë se një vit, do të luajë një rol të rëndësishëm në hapjen e rrugës për kthimin e muzikës live”.

Sidoqoftë, do t’u testohen apo do t’u kërkohet një rezultat negativ i testit për coronavirus. /Telegrafi/