LAJMI I FUNDIT:

Osmani me fjalim në Lutjet e Mëngjesit në Washington: E lutëm Zotin të na shpëtonte, na dërgoi Amerikën

Osmani me fjalim në Lutjet e Mëngjesit në Washington: E lutëm Zotin të na shpëtonte, na dërgoi Amerikën

Presidentja e Kosovës, Vjosa Osmani, ka mbajtur një fjalim para mijëra pjesëmarrësve në Lutjet e Mëngjesit, një ngjarje e organizuar nga Kongresi amerikan në Washington, duke theksuar rolin e besimit në udhëtimin e Kosovës drejt lirisë.

“Jam këtu në emër të një kombi mirënjohës, Republikës së Kosovës. Kam nderin të përfaqësoj një popull, udhëtimi i të cilit drejt lirisë dhe paqes është udhëhequr gjithmonë nga besimi”, deklaroi Osmani.

Presidentja vuri në dukje se kjo mbledhje, e cila organizohet që nga viti 1953, ka luajtur një rol të rëndësishëm në promovimin e dialogut dhe unitetit, duke u bërë një provë e vlerave të përbashkëta që tejkalojnë dallimet politike, kombëtare, ideologjike apo fetare.


Ajo theksoi se fëmijëria e saj nuk ishte e zakonshme për një politikan, pasi ajo u rrit si një fëmijë lufte në një vend të shkatërruar nga një regjim i verbuar nga urrejtja.

“Netët e fëmijërisë sime nuk ishin të mbushura me përralla para gjumit, por me jehonën e vazhdueshme të luftës”.

Osmani kujtoi fjalët e prindërve të saj në momentet më të vështira: “Kemi besim. Kemi besim. Sepse Zoti është streha dhe forca jonë”.

Ajo tha se edhe kur u bënë viktima të një regjimi gjenocidal, besimi nuk i braktisi kurrë.

Presidentja e Kosovës vlerësoi rolin e Shteteve të Bashkuara në shpëtimin e popullit të saj: “Ne iu lutëm Zotit për një mrekulli. Ne iu lutëm Zotit të na shpëtonte. Dhe Zoti na dërgoi Amerikën. Jetët tona, jetët e njerëzve të Kosovës, u shpëtuan nga burra dhe gra të guximshëm nën uniformën e ushtrisë së Shteteve të Bashkuara të Amerikës, bashkë me çlirimtarët tanë dhe kombet e tjera të botës”, deklaroi Osmani.

Presidentja Osmani tha se Amerika udhëhoqi rrugën dhe bota demokratike e ndoqi në mbështetje të lirisë së Kosovës

Sipas saj edhe Presidenti Rugova, shpesh thoshte: “Ne kemi besuar tek Zoti dhe ky besim na ka mbajtur gjallë”. Fjalët e tij pasqyrojnë jo vetëm një besim personal, por një të vërtetë kombëtare – që kur përballeshim me shtypjen, besimi ynë në Zot, në liri e drejtësi dhe në kauzën tonë na çoi përpara.

Fjalimi i Presidentes Osmani u prit me duartrokitje dhe respekt, duke theksuar lidhjet e forta midis Kosovës dhe Shteteve të Bashkuara, si dhe rëndësinë e besimit dhe shpresës në kundërshtimin e sfidave më të mëdha./Telegrafi/

Në trend Lajme

Më shumë

"S'është i besueshëm për SHBA-në", Kurti e komenton deklaratën e Grenellit

Politikë
Mandl: Dialogu është në ngërç, Vuçiq ka shmangur marrëveshjen, ka luajtur shumë lojëra me akterët evropianë

Mandl: Dialogu është në ngërç, Vuçiq ka shmangur marrëveshjen, ka luajtur shumë lojëra me akterët evropianë

Lajme
Osmani me fjalim në Lutjet e Mëngjesit në Washington: E lutëm Zotin të na shpëtonte, na dërgoi Amerikën

Osmani me fjalim në Lutjet e Mëngjesit në Washington: E lutëm Zotin të na shpëtonte, na dërgoi Amerikën

Lajme
Babai i Hashim Thaçit përsëri në spital, avokati Misetic: Specialja ia ka refuzuar kërkesën për vizitë

Babai i Hashim Thaçit përsëri në spital, avokati Misetic: Specialja ia ka refuzuar kërkesën për vizitë

Lajme
Kosovarët s'mund të aplikojnë për viza pune në Gjermani - plotësohen terminet për 2025-ën

Kosovarët s'mund të aplikojnë për viza pune në Gjermani - plotësohen terminet për 2025-ën

Lajme
Dyshime për keqpërdorim të votave nga diaspora, prokuroria nis hetimet ndaj Martin Berishajt

Dyshime për keqpërdorim të votave nga diaspora, prokuroria nis hetimet ndaj Martin Berishajt

Lajme
Kalo në kategori