Orinda Huta është pa dyshim një ndër personazhet më të pëlqyera të ekranit. Ndërlidhja mes televizionit dhe muzikës kanë bërë që të marrë shkëlqimin drej epitet “yll televiziv”, ngase gjithmonë është cilësuar si figura më joshëse e ekranit. Ka disa vite që ajo i ka ikur pak muzikës, por gjithmonë mbetet dashuria e saj e parë.
Në një intervistë ekskluzive për Telegrafin, Orinda ka rrëfyer për më të rejat e saj në jetën private dhe atë profesionale. Ka pak javë që ajo ka nisur transmetimin e dy emisioneve më të reja televizive “Surprisa SD” dhe “Fustani i ëndrrave”, gjersa në prag është edhe martesa e saj, për të cilën këngëtarja preferon ta lërë surprizë…
Orinda, jeni e angazhuar së fundmi me emisionin tuaj më të ri “Surpriza SD”. Na trego pak sip o ju ecën kjo eksperiencë e re?
U bë pothuajse një vit që po punoj për këtë projekt dhe nuk është një eksperiencë si gjithë të tjerat. “Surpriza SD” është një emision që të përfshin realisht. Nuk mund të jesh indiferente përballë historive që përcillen në emision. Secilin prej individëve me sindromën Down ti duhet ta njohësh, e t’i qëndrosh pranë. Nuk janë intervista të zakonshme, nuk mund të jenë takime të zakonshme. Energjia që merr prej tyre është pazëvëndësueshme.
Tematika që trajtoni është shumë sociale. Sa jeni e preokupuar me problemet e fëmijëve me sindromë, dhe çfarë mesazhi tentoni të përçoni perms emisionit tuaj?
Njësoj si të gjithë, edhe unë gaboja në formën e të sjellurit dhe në përkufizimin e sindromës Down. Misioni ynë është që të informojmë publikun rreth sindromës Down. Sot e kësaj dite ka ende prindër të fëmijëve me sindromë, që refuzojnë informacionin nga ekspertë nëpër spitale për fëmijët e tyre, dhe preferojnë që ti izolojnë në shtëpi duke i humbur çdo shans për avancim këtyre fëmijëve. Secili prej tyre meriton t’i jepet një shans për të bërë një jetë gjithëpërfshirëse. Edhe pse thuhet se, personat me Sindromën Down nuk mund të arrijnë qëllime normale në jetë, me mbështetjen e duhur, ata munden. Këtu duhet të këmbëngulim fort që prindërit të mos dorëzohen kurrë.
Ndërkohë, publiku shqiptar ju njeh më shumë si këngëtare, por nuk keni qenë shumë aktive viteve të fundit? Pse kjo distancë?
Kanë qenë vite intensive në televizion, të cilat nuk më kanë dhënë shansin të mendoj për gjë tjetër. Muzika kërkon kohën e vet dhe nuk mund të bëhet thjeshtë për numër. Një këngë më shumë në repertor nuk më duhet as mua. Kam disa projekte të bukura muzikore, të cilat janë pothuajse të përfunduara, por nuk dua t’i lansoj pa i dhënë rëndësinë e duhur. Kur dita të ketë 48 orë ndoshta do të kem mundësi ti jap rëndësinë e duhur dashurisë time të parë.
Punoni tash e disa vite në platformën “Tring”. Na trego pak sa jeni e lidhur me televizionin, dhe a është për ju më i rëndësishëm se muzika?
Jam shumë e lidhur me televizionin. Është një nga arsyet pse zgjohem çdo ditë herët dhe e mbyll vonë, për të realizuar objektivat që kam lidhur me të. Televizionin e bëj me dëshirë dhe gjithnjë kam punuar fort për të arritur projektet televizive të cilat mbajnë emrin tim. Përve¬ç “Surpriza SD”, aktualisht unë kam një tjetër program i cili ka filluar transmetimin çdo të dielë në Vizion Plus në 20:10. “Fustani i ëndrrave” është një tjetër program që unë e mbaja në sirtar prej vitesh. Nuset e ardhshme do të zgjedhin fustanin e tyre të bardhë me ndihmën e specialistëve, familjarëve dhe miqve të ngushtë. Është një program plot pozitivitet, kjo edhe falë bashkëpunëtorëve të mi. Jam me fat që punoj me njerëz të talentuar, profesionistë dhe miq të mirë për “Surpriza SD” dhe “Fustani i ëndrrave”.
Tash e disa vite jeni e fejuar me Turin, kemi dëgjuar që edhe pak do martoheni? Do na zbulosh pak detaje nga martesa?
Nuk kam çfarë të zbuloj ende, pyesni Geraldina Sposa-n ?.
Dikur keni qenë mjaft e pranishme në festivale, por viteve të fundit jo dhe aq shumë? Pse nuk u referoheni më festivaleve?
Festivali nuk është më në prioritetet e mia. Më mungon koha për t’u marrë me muzikë…
Cili mendoni se ka qenë moment juaj më i suksesshëm në karrierë?
Nuk mendoj se e kam arritur ende momentin më të suksesshëm.
Orinda, jeni një ndër këngëtaret më të bukura dhe gjithnjë në formë. Na trego pak si ia arrin që ta mbash në top formë trupin tënd?
Te falenderoj shumë për komplimentin. Përpiqem që të tregoj kujdes për vete, herë duke u marrë me palestër, duke mos abuzuar me ushqimin. Ndërkohë rutina e javëve të fundit ka gjithnjë 50 minuta vrap çdo mëngjes.
Çfarë mendimi keni për bashkëpunimet, dhe a keni menduar të vini me ndonjë bashkëpunim në treg?
Jam pro bashkëpunimeve, por siç e ceka më sipër nuk kam mundësi të mendoj për muzikën.
Orinda, faleminderit shumë që ishe pjesë e kësaj intervistë. Çfarë mesazhi do ju jepje lexuesve për fund?
Dashuroni jetën, vendosini vetës qëllime dhe punoni fort për t’ia dalë. Dhe mos harroni të kërkoni bekimin e Perëndisë çdo ditë dhe ta falenderoni për çdo gjë. /Telegrafi/
Promo
Reklamo këtuLufta Prigozhin - Putin
Më shumë
Eksperti i sigurisë: Largimi eventual i ushtarëve amerikanë nga Kosova do të ishte shqetësues, problemi real janë raportet politike

Gjesti 'harron' për një moment Eglin, argëtohet me vajzat e tjera të shtëpisë në dhomën e gjumit

Trump e quajti Zelenskyn diktator, reagon Scholz: Deklaratë e rrezikshme

Kush u bë e kush u zhgënjye, përmbledhje e kandidatëve për deputetë

Livia përjeton atak paniku pas debatit me Vserlon, banorët reagojnë të shqetësuar dhe i vihen në ndihmë

Drenusha Latifi: Pas daljes nga Big Brother vajza ime nuk ka qenë mirë, e kam çuar edhe në psikologë

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?

Çdo fëmijë e don një xhaketë të re për vit të ri!

25% zbritje në çizmet Adidas Terrex? Zgjate dorën!
Më të lexuarat

Më të votuarit e LDK-së nga 60 për qind të votave të numëruara

Prokuroria Speciale kërkesë gjykatës për të urdhëruar Kurtin të paraqitet për të dëshmuar në prokurori

Trump pretendon se Ukraina e filloi luftën me Rusinë

"Kush është ky", momenti kur Gjesti ngatërron Jezusin me figurën e Çerçiz Topullit në spektaklin e BBVA

Kjo është lista e përditësuar me votat e kandidatëve për deputetë të PDK-së

Kryeziu: Konsullata e Kosovës në Shtutgart bëri skandal pasi organizoi përvjetorin e pavarësisë në qendrën islame