OnePlus 10 Pro do të prezantohet në tregun global më 31 mars

Ata që presin me padurim që telefoni inteligjent OnePlus 10 Pro të shfaqet në tregjet e Kosovës, informacioni i fundit thotë se së shpejti do të vijë në Evropë.

OnePlus ka njoftuar zyrtarisht se telefoni i ri do të prezantohet në tregun global më 31 mars. Deri më tani nuk ka detaje të reja rreth pajisjes, kështu që informacioni kryesor në ngjarje do të jetë çmimi dhe data e fillimit të shitjeve në Evropë, SHBA dhe Indi.

OnePlus zbuloi specifikimet kryesore të OnePlus 10 Pro në janar para prezantimit në Kinë dhe dihet se fuqizohet nga procesori Snapdragon 8 Gen 1 i Qualcomm dhe ka një ekran OLED 6.7 inç me një rezolucion prej 1,440 pi dhe një ritëm rifreskimi prej 120 Hz mundësohet nga një bateri 5000 mAh që mbështet karikim të shpejtë 80 W dhe karikim me valë 50 W.

Exquisite design, evolving through the generations. #OnePlus10Pro

— OnePlus (@oneplus) March 24, 2022

Në pjesën e pasme janë tre kamera, një kamerë kryesore 48 MP, një kamerë ultra e gjerë 50 MP dhe një kamerë telefoto 8 MP.

Modaliteti i ri RAW Plus do t’ju lejojë të bëni fotografi në formatin RAW. Në pjesën e përparme do të ketë një kamerë selfie 32 MP.

Nëse prisni që OnePlus 10 standard do të prezantohet në Evropë së bashku me OnePlus 10 Pro, atëherë duhet t’ju zhgënjejmë sepse nuk do të jetë në ofertë. /Telegrafi/