Oleksandr Usyk mund të ndeshet me Daniel Dubois nëse marrëveshja me Tyson Furyn dështon

Daniel Dubois është në radhë për të luftuar me Oleksandr Usyk për titull në peshën e rëndë nëse meçi i ukrainasit me Tyson Fury nuk do të zhvillohet.

Bisedimet për një luftë për titullin e peshave të rënda midis Usyk dhe ‘Gypsy King’ janë aktualisht në vazhdim dhe pritet të finalizohen së shpejti.

Megjithatë Shoqata Botërore e Boksit (WBA) ka urdhëruar që Usyk të përballet me Dubois nëse lufta me Furyn nuk realizohet.

Në lidhje me këtë foli edhe trajneri Sergey Lapin për Vegas Insider: “Unë mendoj se urdhri i WBA për Usyk për të luftuar Daniel Dubois nuk do të jetë një pengesë për garën e padiskutueshme midis Usyk dhe Tyson Fury, lufta që të gjithë duam ta shohim”.

“Të gjithë promovuesit e përfshirë aktualisht janë të përkushtuar që sa më shpejt të zbulojnë se kush është më i miri në kategorinë e peshave të rënda”.

“Shpresojmë se asgjë nuk do të pengojë që kjo luftë të ndodhë, megjithatë, opsioni për të luftuar Dubois do të jetë një plan rezervë në rast se lufta prishet”. /Telegrafi/