Gjobat e shqiptuara ndaj subjekteve politike gjatë fushatës për zgjedhje të parakohshme parlamentare të 14 shkurtit për shkelje të masave anti-COVID nuk kanë qenë efektive pasi të njëjtat kanë vazhduar të mbajnë në të njëjtën formë tubimet.
Kështu vlerësojnë përfaqësues të organizatave joqeveritare në Kosovë.
Sipas tyre, shkelja e masave anti-COVID, gjobat e pakta dhe mungesa e ndalimeve të tubimeve të subjekteve politike me qytetarë në kohë pandemie gjatë fushatës zgjedhore bënë që të vihen në pah aspekte të keqmenaxhimit.
Jeta Kraniqi nga koalicioni i organizatave që monitorojnë procesin e zgjedhjeve Demokracia në Veprim thotë për KosovaPress se partitë politike nuk e kanë pasur përgjegjshmërinë në nivelin e duhur sa i përket masave anti-COVID.
Sipas saj, institucionet përkatëse, do të duhej të kishin bërë shumë më shumë në parandalimin e tubimeve elektorale.
“Vlerësojmë që institucionet përkatëse, përfshirë edhe institucionet komunale, duhet të kishin bërë shumë më shumë, qoftë në parandalimin e këtyre tubimeve të cilat shkelin masat anti-COVID por edhe në shqiptimin e gjobave për të gjitha subjektet politike që i kanë shkelur të njëjtat. Kemi parë që disa herë janë vendosur gjoba, por nuk kanë qenë në mënyrë të vazhdueshme, dhe është parë që nuk kanë qenë efektive mjaftueshëm pasi kanë vazhduar të mbajnë në të njëjtën formë tubimet”, thotë ajo.
Tubimet e shumta të subjekteve politike gjatë 10 ditëve sa zgjati fushata zyrtare nuk u ndalën përkundër rritjes së numrit të personave të infektuar me COVID.
Sipas Krasniqit, janë pikërisht këto tubime që do të mund të sjellin vendin para një situate vështirë të menaxhueshme për sektorin e shëndetësisë dhe ekonomisë.
“Kjo mund të shkaktojë pasoja në shëndetin e qytetarëve, në jetën e tyre, por mund të shkaktojë një situatë që sektori i shëndetësisë dhe ekonomisë nuk mund ta përballojë… Institucionet përgjegjëse do të duhej të ishin angazhuar shumë më shumë që të mos sillen sikur situata është normale kur e dimë se nuk është. Ne kemi parë një vendim të qeverisë, e cila lehtësoi masat brenda në Kosovë duke e ditur që numri i të infektuarve është duke u rritur dhe nga ana tjetër pamë atë masën tjetër kontradiktore ku u bënë më të rrepta për qytetarët që vijnë në Kosovë”, thekson Krasniqi.
Edhe Qëndrim Arifi nga INPO vlerëson se mosrespektimi i masave anti-COVID nga partitë politike ka efekte negative në përgjithësi.
Sipas tij, ky sfidim i ligjit nga partitë politike, ka vënë në pah edhe çështje të tjera, sidomos të aspektit menaxhues.
“Nuk është duke shkuar në vend fryma dhe qëllimi i ligjit, qëllimi i ligjit nuk është vetëm ta shqiptosh një gjobë, por parasheh në vete edhe ndalimin e tubimit. Ne askund nuk kemi parë që inspektorati dhe organet përgjegjëse e kanë ndaluar tubimin. Nuk është efekti vetëm ta japësh gjobën, ta lejosh infektimin në atë masë, është vërtet për keqardhje. Ky sfidim i ligjit nga partitë politike, ka vënë në pah edhe çështje të tjera, sidomos të aspektit menaxhues. Nuk kemi inspektorë, nuk kemi organe që ta zbatojnë këtë ligj”, u shpreh ai.
Vetëm në 24 orëshin e fundit në vendin tonë janë regjistruar edhe 372 infektime të reja me koronavirus. Ndërsa, si pasojë e infektimit kanë vdekur 6 qytetarë. Ndërsa të enjten Qeveria e Kosovës ka lehtësuar masat duke marrë vendim për heqjen e kufizimit të lëvizjes së qytetarëve.
Lufta Prigozhin - Putin
Më shumëKëshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre