Oferta nga top kampionatet evropiane, loja me Sylvinhon dhe qëllimet e tij – Uzuni i flet të gjitha

Myrto Uzuni është duke kaluar një formë shumë të mirë me Granadën në La Liga 2, duke kryesuar listën e golashënuesve me 20 gola dhe 4 asist.

Duke folur në konferencën për mediet, ndërsa është i grumbulluar me Kombëtaren në “Shtëpinë e Futbollit” për ndeshjen me Poloninë në kuadër të eliminatoreve EURO 2024, sulmuesi theksoi se Sylvinho bën ndeshje sulmuese, ndaj dhe në Varshavë do të bëjnë lojë ofensive.

Sa i përket së ardhmes, Uzuni zbuloi se ka oferta nga Liga Premier, La Liga dhe Italia.

Lexo po ashtu Myrto Uzuni gol dhe asistim, Granada drejt rikthimit në La Liga

Ke realizuar 20 gola me Granadën edhe pse ke luajtur herë në qendër e herë në krah. Në kombëtare ku do doje të luaje?

“Jam shumë i lumtur që jam thërritur në Kombëtare. Pozicioni që më pëlqen më shumë në fushë është në qendër, pra qendërsulmues, aty mendoj se shënoj më shumë gola.”

Si të duket ndryshimi i trajnerit dhe afrimi i lojtarëve të rinj?

Lexo po ashtu Nga viti i çmendur te ofertat nga La Liga, Serie A dhe telefonata e Silvinhos – Myrto Uzuni i tregon të gjitha

“Jam i lumtur për ndryshimin, është një frymë e re dhe një mentalitet i ri. Lojtarëve të rinj u uroj mirëseardhjen dhe shpresoj të adaptohen sa më shpejt me ne e të japin maksimumin.”

Ke shënuar shumë me Granadën, po për Kombëtaren ke gola?

“Këtu është një përgjegjësi më e madhe, por them se tani kam më shumë eksperiencë dhe besoj se koha do e tregojë më së miri.”

A mendon se Sylvinho ka besim te ti, çfarë të ka thënë?

Lexo po ashtu Nga Uzuni te Prenga e Seferi, shkëlqimi i futbollistëve të Shqipërisë në Evropë

“Trajneri ka shumë besim te unë dhe uroj t’ja shpërblej.”

Mesatare më të mirë golash se Lewandowski, a mendon se do ia dalësh të shënosh në Poloni?

“Kur futem në fushë dua të shënoj, kjo është puna ime që të shënoj.”

Më i qetë me Sylvinhon apo me Rejën?

“Normal që jam më i qetë, pasi Sylvinho bën lojë sulmuese dhe unë aty jam mirë.”

Lexo po ashtu Myrto Uzuni zbulon klauzolën e lirimit te Granada pas interesimit të klubeve nga Liga Premier dhe La Liga

E ardhmja: “Kam oferta nga Premier League, nga La Liga dhe nga Italia. Por këtu kam ardhur për Kombëtaren dhe jam këtu për këtë jo për të folur për Granadën apo të ardhmen.”

Si mendon se do jetë loja ndaj Polonisë më sulmuese apo më shumë në mbrojtje?

“Mendoj se do luajmë një lojë më shumë ofensive se më parë.”

Kombëtarja është grumbulluar këtë të hënë në kuadër të kualifikueseve të EURO 2024, ndërsa më 27 mars do të përballen në transfertë me Poloninë. /ss/