Oda e Mjekëve në RMV vendosi që mjekut i cili publikoi video në TikTok t’i merret licenca e punës

Komisioni për Çështje Etike dhe Juridike pranë Odës së Mjekëve të Maqedonisë së Veriut ka marrë vendim për inicimin e marrjes së licencës për punë për anesteziologun e punësuar në Spitalin klinik në Tetovë për shkak të publikimit të videos nga Reparti Gjinekologjik në rrjetin social TikTok.

Sipas Odës së Mjkevëve të Maqedonisë së Veriut, anesteziologu ka shkelur të drejtat e pacientëve dhe dinjitetin e dytre, duke cënuar në këtë mënyrë reputacionin dhe profesionin e ndershëm të mjekut.

“Komisioni për Çështje Etike dhe Juridike, në përputhje me rregulloret ligjore të Odës, sot ka mbajtur një seancë të jashtëzakonshme, në të cilën pas diskutimit të hollësishëm dhe shqyrtimit të rastit, anëtarët e Komisionit morën vendim unanim për fillimin e procedurës”, tha kryetarja e Odës së Mjekëve, Kalina Grivçeva.

Nga Oda e Mjekëve shtojnë se sipas procedurës, Gjykata e Nderit, pas shqyrtimit të denoncimit, mjekut Valton Devrishi i hiqet licenca e punës përkohësisht deri sa të merret vendim përfundimtar.

“Për fat të keq, në këtë rast Komisioni i Etikës ka konstatuar se kolegu me veprimet dhe sjelljet e tij ka shkelur disa norma etike dhe për këtë arsye ka nis procedimi në Gjykatën e NDerit. Oda e Mjekëve dënon edhe një herë incidentin dhe shpreh keqardhje”, thuhet në njoftimit e Odës së Mjekëve të RMV-së./Telegrafi/