O’Brien pas takimit me Osmanin: Krenar që mbështesim shtetin demokratik të Kosovës

Ndihmës Sekretari amerikan i Shtetit, Jim O’Brein ka ndarë detaje ka takimi që pati me presidenten Vjosa Osmani, dy ditë më parë.

O’Brein ka shkruar në “X” se ShBA-të janë krenare që e mbështesin Kosovën.

Ai gjithashtu shkroi se është e rëndësishme që Kosova dhe ShBA-të të qëndrojnë në hap për të avancuar vizionin e tyre të përbashkët.

“Mirëprita Presidenten e Kosovës, Vjosa Osmani në Washington. Jemi krenarë që mbështesim shtetin sovran, multietnik dhe demokratik të Kosovës. Është e rëndësishme që të qëndrojmë në hap për të avancuar vizionin tonë të përbashkët. Diskutuam gjithashtu nevojën urgjente për të riafirmuar Dialogun e lehtësuar nga BE”, ka shkruar O’Brien.

Lexo po ashtu Osmani nis vizitën në SHBA, takohet me ndihmës-sekretarin e Shtetit, Jim O’Brien

Ndryshe presidentja Osmani kishe thënë se me Jim O’Brien kishin diskutuar në rëndësinë e bashkëpunimit me aleatët amerikanë dhe zhvillimet e fundit në dialogun Kosovë-Serbi.

“Diskutim përmbajtjesor mbi rëndësinë e bashkëpunimit të ngushtë me aleatët tanë amerikanë për tejkalimin e sfidave të përbashkëta, si dhe për mbrojtjen e lirisë, pavarësisë dhe demokracisë sonë. Bashkë, diskutuam edhe zhvillimet e fundit në dialogun me Serbinë dhe rëndësinë e rolit të SHBA-ve për suksesin e këtij procesi”, shkroi Osmani. /Telegrafi/

Welcomed President of Kosovo @VjosaOsmaniPRKS to Washington. We’re proud to support the sovereign, multiethnic, and democratic state of Kosovo. It’s critical we stay in step to advance our shared vision. Also discussed the urgent need to recommit to the EU-facilitated Dialogue. pic.twitter.com/L7ag9Hudk0

— Assistant Secretary Jim O’Brien (@StateEUR) July 9, 2024