Nusret ‘Salt Bae’ preku dhe bëri foto me trofeun e Kupës së Botës – veprimi zemëron fansat e futbollit

Tifozët e futbollit sigurisht që nuk janë të kënaqur me Salt Bae.

Kuzhinieri i famshëm po kritikohet në internet pasi ka postuar shumë foto të tij në finalen e Kupës së Botës duke mbajtur trofeun.

Kupa e Botës është e famshme që lejohet të preket vetëm nga disa të zgjedhur, dhe mund të thuhet me siguri se kuzhinieri turk, emri i vërtetë i të cilit është Nusret Gokçe, nuk është një prej tyre.

Ky çmim është një nga trofetë më të njohur në botë dhe një nga më të kërkuarit.

Trofeu i arit prej 18 karatësh vlerësohet të jetë me vlerë rreth 20 milionë dollarë (18.8 milionë euro) kështu që të përzgjedhurit shtrihen në një grup shumë të zgjedhur njerëzish, i cili përfshin fituesit e Kupës së Botës, FIFA-n dhe krerët e shteteve.

Ose të paktën kështu thotë faqja e internetit e FIFA-s, gjithsesi.

Pavarësisht këtij rregulli të njohur, Salt Bae ndau foto pas foto të tij me duar në figurën ikonë të artë.

View this post on Instagram

A post shared by Nusr_et#Saltbae (@nusr_et)

Ky veprim zemëroi fansat në mediat sociale, me shumë njerëz që reaguan me komente në postimet të tij në Instagram.

“Nuk duhet të prekësh Kupën. Nuk je kampion”, shkroi një komentues.

Një tjetër pyeti se pse ai u lejua të kapte çmimin e pabesueshëm: “Mendova se vetëm kampionët e botës mund të preknin Kupën?”.

“Pse po e mban dhe pse je në fushë? Nuk duhet të jesh aty. Është koha për lojtarët që kanë punuar shumë dhe jo për të famshmit që të rrinë dhe të marrin selfie për promovimin e tyre”, tha një tjetër.

View this post on Instagram

A post shared by Nusr_et#Saltbae (@nusr_et)

Salt Bae nuk është i vetmi personazh i famshëm që ka shkelur traditën e trofeut që është padyshim më i çmuari  në planet për futbollistët.

Në vitin 2014, këngëtarja Rihanna theu rregullat kur mori në dorë trofeun gjatë festës së fitores së Gjermanisë pas ndeshjes.

Këngëtarja e “We Found Love” është fotografuar me kupën e artë të kapur në duar.

I touched the cup, held the cup, kissed the cup, took a selfie wit the cup!!! I meeeaan…… what is YO bucket list looking like bruh?

— Rihanna (@rihanna) July 14, 2014

Ajo gjithashtu postoi për një ‘selfie’ dhe zbuloi se e kishte puthur trofeun.

“E preka kupën, e mbajta kupën, e putha kupën, bëra një selfie me kupën! Dhe unë them…… si duket lista juaj e dëshirave?”, kishte shkruar ylli i muzikës pas natës së saj të festimeve në Twitter.

Festa e vitit 2014 pa gjithashtu gratë, partnerët, të dashurat dhe madje edhe fëmijët e futbollistëve gjermane të preknin Kupën 18 karatësh.

Pra me sa duket, ndoshta FIFA i ka zbutur pak rregullat. /Telegrafi/