Një video rrëqethëse e publikuar së fundmi në internet, shfaq momentin kur një helikopter në të cilin gjendej nusja që ishte nisur për në ceremoninë e saj martesore, rrëzohet.
Rosemere do Nascimento Silva ka ndërruar jetë në aksident së bashku me vëllanë, pilotin dhe fotografen që ishte në muajin e gjashtë të shtatzënisë, transmeton Telegrafi.
32-vjeçarja planifikonte të befasonte të fejuarin e saj Udirley Damasceno i cili po e priste pranë altarit, kur befasisht helikopteri u rrëzua një milje larg zonës ku kishte planifikuar të aterroj në Sao Paulo të Brazilit.
Dhëndri dhe 300 mysafirët e ftuar, nuk e kishin idenë që ajo planifikonte një hyrje spektatore në kishë.
Por, sipas hetuesve helikopteri ka mundur të rrëzohet për shkak të dukshmërisë së dobët, ku në një moment helikopteri kishte prekur degët e një druri gjigant.
“Të gjitha nuset ëndërrojnë që të arrijnë në altar me helikopter, por pa e ditur askush”, ka deklaruar organizatori i dasmës Carlos Eduardo Batista.
