Numri 19 apo 30 në fanellë – zbulohet edhe ky detaj nga marrëveshja mes Messit e PSG-së

Njëra nga çështjet që diskutohet menjëherë pas një kalimi të një lojtari nga njëri klub te tjetri është numri që ata do ta bartin në fanellë, sidomos kur numri që lojtari e kishte bartur te klubi paraprak është i zënë në klubin e ri.

Kjo është situata edhe me Lionel Messin i cili pritet ta kompletojë kalimin te Paris-Saint-Germain pasi e përfundoi kontratën me Barcelonën.

Lexo po ashtu Fabrizio Romano zbulon kontratën e Messit te PSG – paga është e majme

Messit iu ofrua numri 10-të nga shoku i tij Neymar por ai e refuzoi. Numri 19 që Messi e kishte bartur më herët të Barcelona gjithashtu është i zënë në PSG dhe alternativa tjetër është numri 30 edhe pse në Ligue 1 zakonisht ky numër është i rezervuar për portierët.

Gjithsesi, ardhja e Messit është një privilegj i madh për kampionatin francez dhe ata nuk do të paraqesin pengesa të tjera për kompletimin e këtij operacioni.

Lexo po ashtu Ligue 1 po i thyen rregullat e saj vetëm për Messin

Derisa numri 30 është më shumë i rezervuar për portierët, Federata e Futbollit të Francës do të bëjë një përjashtim në rastin e 34-vjeçarit.

Gjashtë herë fituesi i Topit të Artë, po ashtu do të ketë një pagë të majme te klubi nga Ligue1, ku do të marrë 35 milionë euro. /Telegrafi/