Nuk ndalen pronarët e Manchester Cityt: Tani duan ta blejnë edhe klubin brazilian

Pronarët e Manchester Cityt kanë nisur një ofertë masive për klubin brazilian, Bahia.

Manchester Evening News raporton se City Football Group ka bërë një ofertë 200 milionë euro për të blerë skuadrën braziliane të kategorisë së dytë.

Kompania mëmë e Manchester City ka paraqitur ofertën pas një ndryshimi të fundit të ligjit në Brazil që lejon klubet të marrin investime të jashtme.

Lexo po ashtu "Nëse Jack Grealish vlen 117 milionë euro, atëherë sulmuesi i Milanit vlen 400 milionë euro” - në Itali të dashuruar në Leaon

CFG shpreson të marrë 90 për qind të aksioneve në dy herë kampionët brazilian, me ofertën që thuhet se përfshin gjithashtu një opsion për të blerë 5 për qind të tjerë të klubit.

Oferta për skuadrën me bazë në Salvador ka ende nevojë për miratimin e anëtarëve të klubit, por nëse pranohet Bahia do të bëhet klubi i 13-të në portofolin gjithnjë në zgjerim të CFG.

CFG u themelua në vitin 2013 në të njëjtën kohë kur u themelua New York City FC. Që atëherë, klubet duke përfshirë Melbourne City, Yokohama F. Marinos, Girona dhe Troyes kanë hyrë nën ombrellën e saj, me CFG që mban nivele të ndryshme kontrolli në secilin klub. /Telegrafi/