Nuk ka luajtur asnjë minutë – Barcelona po planifikon ta rinovojë kontratën e Szczesnyt

Barcelona është e gatshme që t’i ofrojë Wojciech Szczesnyt një kontratë të re përtej sezonit 2024/2025.

Blaugranasit paraprakisht e transferuan veteranin polak pas lëndimit të rëndë të Marc-Andre Ter Stegen i cili do të humbasë pjesën e mbetur të sezonit.

Përkundër pozitivitetit të Barcelonës që Ter Stegen të rikthehet potencialisht para përfundimit të sezonit, nuk do të ndërmerret asnjë rrezik.

Szcezsny ka qenë duke punuar për të përmirësuar gjendjen fizike të tij gjatë këtij pushimi me kombëtare, por ai ende nuk ka bërë ndonjë paraqitje që prej se u bë pjesë e Barçës.

Në fakt Inaki Pena ka mbetur zgjedhja e parë e portës për Hansi Flick pas lëndimit të Ter Stegen, përkundër faktit që u tha se Szczesny i ka bërë përshtypje gjermanit në stërvitje.

Sipas një raportimi nga Marca, klubi do të ishte i lumtur që t’i ofronte 34-vjeçarit një kontratë edhe për 12 muaj të tjerë, për ta zgjatur marrëveshjen deri në fund të sezonit 2025/2026.

Flick ka besim se Ter Stegen do të rikthehet në formën e tij më të mirë, por dëshiron që të ketë tre portierë në radhët e tij./Telegrafi/