Nuk janë qetësuar gjërat mes tyre: Neymar sulmon Mbappen nga dy postime në Instagram

Thashethemet për një përçarje mes Neymar Junior dhe Kylian Mbappe nuk janë shuar me largimin e të parit nga Paris Saint-Germain.

Braziliani ka pëlqyer një sërë postimesh që flasin negativisht për francezin, dhe përsëri i bëri të qarta ndjenjat e tij pasi francezi shënoi dy herët kundër Barcelonës për të dërguar PSG-në në gjysmëfinale të Ligës së Kampionëve.

Një faqe braziliane e futbollit postoi si më poshtë për sulmuesin 25-vjeçar, duke thënë: “Mbappe tregon edhe një herë se është një djalë i mirë. Por, zuzari i një historie të thënë keq… Ose si mendoni?”.

Ata vazhduan duke thënë se Mbappe e ka atë ‘frymën konkurruese’, ndoshta duke iu referuar kritikave të shpeshta të Neymar ndër vite.

Superylli brazilian, i cili aktualisht po rikuperohet nga një lëndim i ligamentit të kryqëzuar të përparmë në Al-Hilal, la ndjenjat e tij të qarta në komente.

Neymar nuk ka qenë ende në Arabinë Saudite një vit të plotë, por tashmë po flitet për destinacionin e ardhshëm të 32-vjeçarit. Raportet në Barcelonë thonë se ai ka shkëmbyer mesazhe me presidentin e Barcelonës Joan Laporta për një rikthim në vitin 2025, ndërsa në Brazil flitet se ai mund të kthehet në Santos. /Telegrafi/