Nuk ishte vetëm Primoz Gliha, edhe trajneri i kombëtares së madhe evropiane votoi Brozovicin me maksimumin e votave

Trajneri i Portugalisë, Roberto Martinez ka zbuluar pse votoi për mesfushorin e Al Nassr, kroatin  Marcelo Brozovic për të fituar çmimin “Lojtari më i mirë i FIFA-s për meshkuj”.

Mbrëmë (e hënë) në Londër u zhvillua ceremonia e ndarjes së çmimeve “The Best” nga FIFA.

Çmimi përfundimisht u rrëmbye nga Lionel Messi përpara yllit të Manchester City, Erling Haaland, ndërsa në vendin e tretë u rendit Kylian Mbappe.

Lexo po ashtu Zbulohen të gjitha votat nga kapitenët dhe përzgjedhësit në çmimet “The Best 2023” për lojtarin më të mirë

Megjithatë, ndoshta çuditërisht, emri më befasues ishte ai i kroatit të Al Nassr, Brozovic, i cili u votua me pesë vota nga ish-përzgjedhësi i Kosovës, Primoz Gliha.

Por, Gliha nuk ishte i vetmi pasi Brozovic mori gjithsej shtatë vota nga procesi i votimit, i cili u përfundua nga trajnerët dhe kapitenët e ekipeve kombëtare.

Kapiteni i Malit të Zi dhe ish-sulmuesi i Cityt, Stevan Jovetic, ishte ndër ata që i dhanë mesfushorit vendin e dytë në votim, me trajnerin e Kolumbisë, Nestor De Lorenzo që bëri të njëjtën gjë me zgjedhjen e tij.

Lexo po ashtu Si votuan Gliha dhe Rrahmani në çmimet e ndara nga FIFA për më të mirët e vitit 2023?

Martinez, ndërkohë, ishte një nga vetëm dy përfaqësuesit – përkrah trajnerit të Kosovës, Primoz Gliha – që i dha Brozovic vendin e parë përpara lojtarëve si Messi dhe Haaland.

Dhe duke folur pas ceremonisë së ndarjes së çmimeve, ish-trajneri i Evertonit, Martinez, i cili drejtoi Belgjikën në Kupën e Botës 2022, shpjegoi arsyetimin pas zgjedhjes së tij.

“Brozovic pati një sezon shumë interesant dhe pati një finale shumë të mirë në Ligën e Kampionëve. Detajet e jo fitimet ishin minimale”.

“Votimi përfaqëson një stil loje që për një ekip si Kroacia gjatë Kupës së Botës supozohej të ruhej në video dhe t’u shfaqej brezave të ardhshëm. Ai përfaqëson një brez të Kroacisë”, ka thënë Martinez. /Telegrafi/

Roberto Martinez explains why he picked Brozovic as his 3 picks for the FIFA best award…

“Brozovic had a very interesting season and had a very good final in the Champions League. The details of not winning were minimal.

It represents a style of play that for a team like… pic.twitter.com/1Ex523dnrb

— Al Nassr Zone (@TheNassrZone) January 15, 2024