Njeriu që kishte shërbyer si “karrem” para se Sandulloviqi të rrëmbehej nga shërbimi sekret, sërish kërcënon politikanin serb

Politikani serb Nikolla Sandulloviq i cili u rrah nga Shërbimi Sekret serb gjatë 3 janarit, pasi vendosi lule mbi varrin e një vajze shqiptare të vrarë nga forcat serbe në luftën në Kosovë, ka bërë një postim interesant në profilin e tij në X, duke treguar se kush ishte njeriu që e “joshi” para shtëpisë së tij para se të rrëmbehej nga inteligjenca serbe.

“Kush është njeriu që ‘joshi’ Nikolla Sanduloviqin para shtëpisë së tij kur u rrëmbye nga shërbimi sekret serb më 3 janar? I njëjti njeri po telefonon përsëri, duke dërguar kërcënime të reja me vdekje, duke thënë se do të vijnë përsëri”, ka shkruar Sandulloviq, transmeton Telegrafi.

Ai madje ka pyetur nëse është informuar presidenti serb Aleksandar Vuçiq lidhur me kërcënimet e reja dhe sulmet e ardhshme apo sërish do të pretendojë se gjithçka ishte një gënjeshtër.

Lexo po ashtu “Vuçiq do të vrasë babain tim”- vajza e Sanduloviq thotë se babi i saj u kërcënua sërish

“A është informuar Vuçiqi për kërcënimet e reja dhe sulmet e ardhshme apo sërish do të pretendojë se gjithçka ishte një gënjeshtër? Këtë herë është e dukshme një fytyrë e burrit”, shtoi politikani serb.

Në anën tjetër, vajza e tij Klara tha në “Good Morning Albanians” se një person e ka kërcënuar sërish babain e saj përmes messenger-it.

Sipas saj personi që po e kërcënon të atin, është i njëjtë me atë që e kërcënoi më parë dhe e “tërhoqi” të dilte nga shtëpia ditën kur u rrëmbye dhe u rrah barbarisht. /Telegrafi/

Who is the man who lured Nikola Sandulović in front of his house when he was kidnapped by serbian secret service on january the 3rd? Same man is calling again , sending new death threats,saying they will come again. Is Vučić informed about these new threats and the upcoming… pic.twitter.com/y582m8Yyc7

— Nikola Sandulovic (@Sandulovic_N) March 18, 2024