Një tjetër futbollist nga Barcelona pritet t’i bashkohet Messit te Inter Miami

Një ‘mini Barcelonë’ është krijuar në Shtetet e Bashkuara të Amerikës dhe krejt kjo falë legjendës David Beckham dhe Lionel Messit.

Ish-mesfushori anglez është pronar i Inter Miamit dhe pasi ka transferuar Lionel Messin fillimisht, tani numri i ish-futbollistëve të Barcelonës te kjo skuadër po rritet çdo ditë e më shumë.

Aktualisht te Inter Miami janë katër ish-futbollistë të gjigantit katalunas si Lionel Messi, Sergio Busquets, Jordi Alba dhe i fundit që iu bashkua Luis Suarez.

Lexo po ashtu Deco tashmë ka vendosur se cili lojtar largohet nga Barcelona në verë

Megjithatë ky numër mund të rritet edhe më shumë në verë, pasi kapiteni aktual i katalunasve Sergio Roberto është në bisedime me skuadrën amerikane.

32-vjeçari është në muajt e fundit të kontratës me Barcelonën dhe drejtuesit e klubit amerikan e kanë kontaktuar atë.

Roberto është ende i pavendosur për të ardhmen e tij, pasi po pret një thirrje nga klubi aktual për rinovimin e saj e cila me shumë gjasë nuk do të vije.

E në rast se nuk do të vazhdoj bashkëpunimin me Barcelonën, Mundo Deportivo ka raportuar se Roberto do t’i bashkohet miqve të tij te Inter Miami.

Hapësirat e tij te Barcelona nuk janë aq të mëdha pasi Roberto këtë edicion ka zhvilluar vetëm 14 ndeshje ku ka shënuar tre gola dhe ka asistuar në një tjetër. /Telegrafi/